کرن کی طبیعت میں بہتری آرہی ہے: انوپم کھیر

حال ہی میں بلڈ کینسر کا شکار ہونے والی سینئر بھارتی اداکارہ اور بھارت کی حکمران جماعت بھارتیہ جنتا پارٹی (بی جے پی) کی چندی گڑھ سے رکنِ پارلیمنٹ کرن کھیر کے شوہر انوپم کھیر نے کہا ہے کہ اُن کی اہلیہ کی طبیعت میں پہلے سے بہتری آرہی ہے۔

 گزشتہ روز انوپم کھیر نے سوشل میڈیا سائٹ انسٹاگرام پر ایک لائیو سیشن رکھا جس میں اُنہوں نے اپنے مداحوں سے گفتگو کی۔

لائیو سیشن کے دوران انوپم کھیر نے بلڈ کینسر کی شکار اپنی اہلیہ کرن کھیر کی طبیعت کے حوالے بھی مداحوں کو بتایا۔

انوپم کھیر نے کہا کہ ’کرن کی طبیعت پہلے سے کافی بہتر ہے لیکن دوائیوں کی وجہ سے اُن کی صحت پر منفی اثرات بھی مرتب ہورہے ہیں۔‘

کرن بہت جلد بلڈ کینسر کو شکست دے گی: انوپم کھیر

حال ہی میں بلڈ کینسر کا شکار ہونے والی سینئر بھارتی اداکارہ اور بھارت کی حکمران جماعت بھارتیہ جنتا پارٹی (بی جے پی) کی چندی گڑھ سے رکنِ پارلیمنٹ کرن کھیر کے شوہر انوپم کھیر نے اپنی اہلیہ کا حوصلہ بُلند کرتے ہوئے کہا ہے کہ وہ جلد بلڈ کینسر کو شکست دیں گی۔

بالی ووڈ اداکار نے کہا کہ ’کرن کو مکمل طور پر صحتیاب ہونے میں وقت لگے گا کیونکہ یہ ایک بہت بڑا مرض ہے۔‘

اُنہوں نے کہا کہ ’کرن ایک باہمت خاتون ہیں اور مجھے پوری اُمید ہے کہ وہ اپنے جذبے سے اس مرض کو بہت جلد شکست دے دیں گی۔‘

انوپم کھیر نے مداحوں سے مخاطب ہوتے ہوئے کہا کہ ’اگر آپ سب کی دُعائیں کرن کے ساتھ ہیں تو سب کچھ ٹھیک ہوجائے گا۔‘

بھارتی اداکارہ اور رکن پارلیمنٹ کرن کھیر میں خون کے کینسر کی تشخیص

ممبئی (مانیٹرنگ ڈیسک)سینئر بھارتی اداکارہ اور...

واضح رہے کہ 1983 سے بالی ووڈ میں اداکاری کے جوہر دکھانے والی اداکارہ کرن کھیر کے شوہر و اداکار انوپم کھیر نے اپنے ٹوئٹ کے ذریعے اہلیہ کے کینسر میں مبتلا ہونے کی تصدیق کی تھی۔

انوپم کھیر نے ٹوئٹر پر جاری اپنے بیان میں کہا تھا کہ کرن کھیر میں مائیولوما (خون کے کینسر کی ایک قسم) کی تشخیص ہوئی ہے۔

انہوں نے بتایا تھا کہ کرن کھیر کا علاج جاری ہے، ہمیں یقین ہے کہ وہ اس سے پہلے سے کہیں زیادہ مضبوط بن کر نکلیں گی۔

انوپم کھیر نے کہا تھا کہ ہم خوش قسمت ہیں کہ کرن کھیر کا علاج بہترین ڈاکٹرز کی نگرانی میں ہو رہا ہے، وہ ہمیشہ سے ایک فائٹر ہیں اور اس بیماری کو بھی شکست دیں گی۔