نامور بالی ووڈ فلم ساز رام گوپال ورما نے بھارت کی تلخ حقیقت بیان کردی

نامور بالی ووڈ فلم ساز رام گوپال ورما نے کورونا وائرس کی بدترین صورتحال میں بھارت کی تلخ حقیقت بیان کردی۔

بالی ووڈ فلم ساز رام گوپال ورما نے مائیکرو بلاگنگ سائٹ ٹوئٹر پر اپنے پیغام میں لکھا کہ ’ہمارے پاس دنیا کا سب سے بڑا مجسمہ ہے اور دُنیا کا سب سے بڑا اسٹیڈیم بھی ہے۔‘

رام گوپال ورما نے کہا کہ ’ہمارے پاس دُنیا کی سب سے بڑی الیکشن ریلیاں بھی ہیں اور دُنیا کے سب سے بڑے مذہبی اجتماعات بھی ہیں۔‘

اُنہوں نے کہا کہ ’بھارت کے پاس سب کچھ ہے لیکن افسوس اس ملک کے پاس اسپتالوں میں مریضوں کو فراہم کرنے کے لیے طبی سہولیات موجود نہیں ہیں۔‘

کورونا نے احساس دلایا انسانیت سب سے پہلے ہے: عتیقہ اوڈھو

پاکستان شوبز انڈسٹری کی سینئر اداکارہ عتیقہ اوڈھو نے کہا ہے کہ عالمی وبا کورونا وائرس کی وجہ سے پوری دُنیا کو احساس ہوا کہ سب سے پہلے انسانیت ہے۔

رام گوپال ورما کے اس ٹوئٹ پر بھارتیوں کی بڑی تعداد نے اُن کی حمایت کرتے ہوئے کہا کہ کورونا وائرس کی حالیہ صورتحال میں یہ واضح ہوگیا ہے کہ بھارت طبی شعبے میں دُنیا کے دیگر ممالک سے بہت پیچھے ہے۔

دوسری جانب کچھ صارفین نے بھارت میں پیدا ہونے والی بدترین صورتحال کی وجہ مودی سرکار کو قرار دیا۔

مہوش حیات کو کس چیز نے پریشان کردیا؟

معروف اداکارہ و تمغہ امتیاز مہوش حیات نے کہا ہے کہ وہ بھارت میں کورونا وائرس کی خطرناک صورتحال دیکھ کر پریشان ہوگئی ہیں۔

واضح رہے کہ بھارت میں کورونا وائرس بھیانک صورت اختیار کرگیا، آکسیجن کے لیے ترستے شہریوں کی نبض ڈوبنے لگی، اموات اور مریضوں کے خوفناک ریکارڈ بننے لگے۔

بھارت کے اسپتالوں میں مریضوں کے لیے بستر، آکسیجن، ڈاکٹر، دوا سب کم پڑگئے۔

جان سے جانے والوں کے لیے شمشان گھاٹوں میں لکڑیاں، قبرستانوں میں جگہ ختم ہوگئی، میتوں کو اجتماعی طور پر سپرد خاک کرنے کی نوبت آگئی ہے۔

بھارتی پولیس کی مسلمانوں سے تراویح میں کورونا کے خاتمے کیلئے دعا کی اپیل

بھارت کے شہر ممبئی میں کورونا ایس او پیز پر عملدرآمد کرانے کی ڈیوٹی پر موجود پولیس نے مسلمانوں سے تراویح میں کورونا وائرس کے خاتمے کے لیے دُعا کرنے کی اپیل کردی۔

بھارت کی اس مشکل گھڑی میں پاکستان کے وزیراعظم عمران خان سمیت سیاسی و شوبز شخصیات کی جانب سے اظہارِ یکجہتی کیا جارہا ہے۔