• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان کی 1185ترقیاتی سکیموں میں سے595 مکمل،590 پر کام جاری

میرا شہر
ملتان
04 مئی ، 2021
ملتان (سٹاف رپورٹر) ضلع ملتان میں سیپ (ایس اے پی) اور سی ڈی پی کے تحت1185 ترقیاتی سکیموں پر7ارب44کروڑ روپے خرچ کئےجارہے ہیں ۔1185سکیموں میں سے595 منصوبے مکمل جبکہ590 پراجیکٹ پر کام جاری ہے۔ڈپٹی کمشنر علی شہزاد کی زیرصدارت ترقیاتی منصوبوں پر پیش رفت کا جائزہ لینے کے لئے اجلاس منعقد ہوا جس میں ایڈیشنل ڈپٹی ہیڈ کوارٹر رانا اخلاق احمد خان، ایم ڈی ویسٹ منیجمنٹ کمپنی فخرالاسلام ڈوگر،ایم ڈی واسا،بلڈنگز، ہائی وے،میپکو کےایکسین ز نے شرکت کی۔ڈپٹی ڈائریکٹر ڈویلپمنٹ عرفان انجم نے اس بارے بریفنگ دی۔ڈپٹی کمشنر کی ترقیاتی منصوں پر کام تیز کرنے کی ہدایت کی اور کہا کہ اگر کسی ترقیاتی منصوبے کے فنڈز لیپس ہوئے تو متعلقہ محکمے کا افسر ذمہ دار ہو گا۔انہوں نے بتایا کہ سیپ تھری اور سی ڈی پی تھری پروگرام کے تحت جاری منصوبوں پر کام کی رفتار بڑھائی جائے۔ترقیاتی منصوبوں پر کام کی پیش رفت کا جائزہ لینے کے لئے ہر منگل کو اجلاس ہوگا۔ترقیاتی منصوبوں کی بروقت تکمیل میری اولین خوہش ہے،علی شہزاد نے کہا کہ واسا ترقیاتی منصوبوں پر کام کی رفتار تیز کرے۔ڈپٹی ڈائریکٹر ڈویلپمنٹ نے ڈپٹی کمشنر کو بریفنگ دیتے ہوئے بتایا کہ سی ڈی پی ون کے تحت100 فیصد جبکہ سی ڈی پی ٹو کے تحت91 فیصد اور سیپ ون اور سیپ ٹو کے منصوبے85 فیصد مکمل کرلئے گئے ہیں۔
تازہ ترین