ڈیل اسٹین نے آئی پی ایل معطلی پر بھارتیوں کو ٹرول کردیا

06 مئی ، 2021

جنوبی افریقی کرکٹ ٹیم کے فاسٹ بولر ڈیل اسٹین نے پاکستان سُپر لیگ (پی ایس ایل) کی معطلی پر ٹرول کرنے والے بھارتی صارف کو انڈین پریمیئر لیگ (آئی پی ایل) کے معطل ہونے پر ماضی یاد دلا دیا۔

پی ایس ایل کے معطل ہونے پر بھارتی صارف نے ڈیل اسٹین کو ٹیگ کرتے ہوئے کہا تھا کہ کورونا کے ماحول میں کم از کم گزشتہ آئی پی ایل اختتام پذیر ہوا تھا جبکہ پی ایس ایل ملتوی کردیا گیا ہے۔

ڈیل اسٹین نے صارف کو جواب دیتے ہوئے انتہائی تحمل مزاجی کا مظاہرہ کیا اور بس اتنا کہا کہ ’آپ واقعی مزاحیہ ہیں۔

اب آئی پی ایل کی معطلی پر وہ بھارتی صارف کو ماضی یاد دلانا نہ بھولے۔

ڈیل اسٹین نے 4 مارچ کو کیے گئے بھارتی صارف آشیش کے ٹوئٹ پر دو مینے کا وقت گزرجانے کے بعد دوبارہ جواب دیتے ہوئے ’ہائے‘ کہا اور ٹرول کردیا۔

آشیش کیلئے ایک اور ٹوئٹ میں ڈیل اسٹین نے لکھا کہ ’اگرچہ آشیش نے اس موقع پر اپنے آپ کو بیوقوف بنایا ہے لیکن جب لوگوں کی صحت پر بات آجائےتو کسی کا مذاق کسی طور مناسب نہیں۔ ‘

انہوں نے یہ بھی کہا کہ امید ہے کہ آشیش کو یہاں سبق سیکھنے کو ملیں گے۔

واضح رہے کہ اس سے قبل ڈیل اسٹین نے ویب شو پر بات چیت کرتے ہوئے کہا کہ تھا کہ آئی پی ایل میں بڑے نام شامل ہوتے ہیں اور پیسے کی بات زیادہ ہوتی ہے جس سے کرکٹ نظر انداز ہوتی ہے اس لیے وہ پی ایس ایل کو آئی پی ایل پر ترجیح دیتے ہیں۔

یہ بھی پڑھیے

خیال رہے کہ جنوبی افریقا کے فاسٹ بولر ڈیل اسٹین نے رواں برس آئی پی ایل سے راہیں جدا کر لی تھیں۔

ڈیل اسٹین 2008 سے آئی پی ایل کا حصہ تھے اور گزشتہ سیزن میں ٹیم رائل چیلنجرز بنگلور کی نمائندگی کر رہے تھے۔

تازہ ترین