• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مرزا عاصی اختر

عید کی صبح کیا سہانی ہے

شادمانی ہی شادمانی ہے

شیرخورمہ، کھیر و رس گلے

عید کے دن کی مہربانی ہے

جس قدر کھیر کھاسکو، کھاؤ

زندگی، بھائی آنی جانی ہے

یہ سوئیاں جو کھارہے ہوتم

تائی اماں کی مہربانی ہے

اللہ اللہ نان تو دیکھو

بس بناوٹ ہی تافتانی ہے

ہیں ’’بڑے‘‘ ہم پہ مہربان کتنے

عیدی گن کر یہ بات جانی ہے

دس روپے دے گئے چچا، جن کی

’’کوچ سروس‘‘ بہت پرانی ہے

دس روپے تایا جان سے پاکر

بھیجہ اندر سے کہکشانی ہے

جو ملا عید، آب دیدہ ملا

اس گرانی سے خون پانی ہے

ہو مبارک یہ عید بچوں کو

عاصی انکل کی گل فشانی ہے