• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی ڈی اے میں متعدد افسروں کے تقرر و تبادلے

میرا شہر
اسلام آباد
08 مئی ، 2021
اسلام آ باد ( نیو زرپورٹر) کیپٹل ڈویلپمنٹ اتھارٹی میں متعدد افسروں کے تقرر و تبادلے کر د یئے گئے ۔ تقرری کے منتظر اسد عباس ڈپٹی ڈائریکٹر ٹو ایچ آر ڈی تعینات کرد یئے گئے جبکہ گریڈ 17 کے سجاد اللہ کو ڈپٹی ڈائریکٹر ا سٹیٹ مینجمنٹ ون ویسٹ کا چارج تفویض کر دیا گیا ۔ اسسٹنٹ ڈائریکٹر ضیا شاہ سے ڈپٹی ڈائریکٹر ای ایم ون ویسٹ کا چارج واپس لے لیا گیا جبکہ ڈپٹی ڈائریکٹر ای ایم ون ایسٹ کا چارج انہی کے پاس رہے گا۔ ثوبیہ حسام سے ایڈیشنل ڈائریکٹر اسٹیٹ افیکٹی کا چارج واپس لیتے ہوئے انکو ڈپٹی ڈائریکٹر بحالیات ون اور ڈپٹی ڈائریکٹر ایل اینڈ آر ٹو کے چارج تفویض کر د یئےگئے ۔ اسسٹنٹ ڈائریکٹر ذوالفقار علی جونیجو کواسسٹنٹ ڈائریکٹر کوآرڈینیشن سے تبدیل کرکے ایڈیشنل ڈائریکٹر اسٹیٹ افیکٹی کا چارج تفویض کر دیا گیا ۔ عبدالرزاق کو ڈائریکٹر ایچ آر ڈی ٹو سے تبدیل کرکے ڈائریکٹر اسٹیٹ مینجمنٹ ون تعینات کیا گیا ۔ گریڈ 18کے عرفان شاہ کو ڈائریکٹر اسٹیٹ مینجمنٹ ون کے عہدے سے تبدیل کرکے ڈائریکٹر ایچ آر ڈی ٹو کا چارج دیا گیا ۔ ڈپٹی ڈی جی سوک مینجمنٹ غلام سرور کو ڈی جی سوک مینجمنٹ کا چارج تفویض کر دیا گیا ۔ ڈپٹی ڈائریکٹر انوائرمنٹ پروٹیکشن سیل آصف مجید کو عہدے سے ہٹا کر ایچ آر ڈیپارٹمنٹ رپورٹ کرنے کی ہدایت کی گئی ۔ تقرری کے منتظر ڈائریکٹر سول فیصل رضا کو ڈائریکٹر واٹر اینڈ سیوریج ڈویلپمنٹ تعینات جبکہ سینئر سائنٹفک آفیسر محمد منیر کو ڈیپوٹیشن پر ڈائریکٹر پارک تعینات کر دیا گیا ۔
تازہ ترین