عمران خان اپنی نالائقی کا ملبہ سفارت کاروں پر ڈال رہے ہیں، زرداری

سابق صدر آصف زرداری نے وزیراعظم پر تنقید کرتے ہوئے کہا ہے کہ عمران خان اپنی نالائقی کا ملبہ پاکستان کے سفارت کاروں پر ڈال رہے ہیں۔

آصف زرداری کا کہنا تھا کہ شہید ذوالفقار علی بھٹو کے عدالتی قتل نے مسلمانوں کے اتحاد کو متاثر کیا، پیپلز پارٹی کی حکومت کے بعد آنے والی حکومتوں نے خارجہ امور پر توجہ نہیں دی۔

ادھر پاکستان پیپلز پارٹی کے چیئرمین بلاول بھٹو زرداری نے کہا کہ عمران خان کے دور میں ساڑھے آٹھ کروڑ پاکستانی غربت کی لکیر کے دہانے پر پہنچ گئے ہیں۔