فلسطین کو سانس لینے دو، صباقمر

معروف پاکستانی اداکارہ صباقمر نے بھی غزہ پر اسرائیلی بمباری سے معصوم بچوں سمیت 20 فلسطینیوں کی شہادت پر افسوس کا اظہار کیا ہے۔

اداکارہ صباقمر نے اپنے تصدیق شدہ انسٹاگرام اکاؤنٹ پر فلسطینیوں پر ہونے والے مظالم پر غصہ اور افسوس کا اظہار کرتے ہوئے خصوصی اسٹوری شیئر کی ہے، اداکارہ نے افسوس ناک واقعے کی مذمت کرتے ہوئے کہا ہے کہ ’فلسطین کو سانس لینے دو۔‘

صباقمر نےا پنی انسٹااسٹوری پر ایک تصویر شیئر کی ہے جس میں ایک معصوم فلسطینی بچہ ہاتھ میں مسجدالاقصٰی کی تصویر اور فلسطین کا جھنڈا تھامے اداس کھڑا نظر آرہا ہے۔

اداکارہ نے یہ تصویر شیئر کرتے ہوئے لکھا کہ ’خدا کے لیے فلسطین کو سانس لینے دو۔‘

فلسطینیوں کیلئے آواز نہ اٹھائی تو اللّٰہ ہمیں معاف نہیں کرے گا، احسن خان

پاکستانی فلم و ڈرامہ انڈسٹری کے معروف اداکار احسن خان نے غزہ پر اسرائیلی بمباری سے معصوم بچوں سمیت 20 فلسطینیوں کی شہادت پر دنیا کی خاموشی دیکھ کر کہا ہے کہ اگر ہم ننھے بچوں پر تشدد ہوتا دیکھ کر خاموش رہے تو اللّٰہ ہمیں معاف نہیں کرے گا۔

واضح رہے کہ گزشتہ رات غزہ پراسرائیلی فوج نے وحشیانہ بمباری کی جس کے نتیجے میں معصوم بچوں سمیت 20 فلسطینی شہید ہو گئے۔