خیبرپختونخوا: کورونا نے ایک اور سینئر ڈاکٹر کی جان لے لی

خیبرپختونخوا میں کورونا وائرس سے سینئر پتھالوجسٹ ڈاکٹر فضل رحیم جاں بحق ہوگئے۔

ڈاکٹرز ایسوسی ایشن کے مطابق ڈاکٹر فضل رحیم ڈی ایچ کیو اسپتال تیمرگرہ دیر میں سینئر پتھالوجسٹ تعینات تھے۔

کورونا وائرس کا شکار ڈاکٹر فضل رحیم گزشتہ 2 ہفتوں سے اسپتال میں زیرِ علاج تھے۔

خیبرپختونخوا کے ڈاکٹر علی اکبر کا کورونا سے انتقال

خیبرپختونخوا میں کورونا سے ڈاکٹر علی اکبر انتقال کرگئے ، وہ ڈی ایچ کیواسپتال مٹہ سوات میں بطور سینئر میڈیکل آفیسر تعینات تھے۔

ڈاکٹرز ایسوسی ایشن کے مطابق خیبر پختونخوا میں کورونا وائرس کے باعث انتقال کرنے والے ڈاکٹروں کی تعداد 67 ہوگئی ہے۔