آرمی چیف کی کنٹرول لائن پر جوانوں کیساتھ نمازِ عید کی ادائیگی

آرمی چیف جنرل قمر جاوید باجوہ نے کنٹرول لائن کا دورہ کیا ہے جہاں انہوں نے فرنٹ لائن پر موجود جوانوں کے ساتھ عید کی نماز ادا کی۔

کور کمانڈر راولپنڈی لیفٹیننٹ جنرل اظہر عباس نے ایل او سی پر آرمی چیف جنرل قمر جاوید باجوہ کا استقبال کیا۔

پاک فوج کے شعبہ تعلقاتِ عامہ (آئی ایس پی آر) کے مطابق آرمی چیف نے اس موقع پر ملک میں امن و استحکام کے لیے خصوصی دعا کی۔

آرمی چیف جنرل قمر باجوہ سے امریکی ناظم الامور اینجلا ایگلر کی ملاقات

آرمی چیف جنرل قمر جاوید باجوہ سے امریکی ناظم الامور اینجلا ایگلر نے ملاقات کی ہے ۔

آرمی چیف نے جوانوں کی لگن، جذبے اور پیشہ ورانہ تیاریوں کو سراہا، انہوں نے کورونا وائرس کی روک تھام کے لیے فارمیشن کے سول انتظامیہ سے تعاون کو بھی سراہا۔

جنرل قمر جاوید باجوہ نے اس موقع پر خطاب کرتے ہوئے کہا کہ پاک فوج قوم کی توقعات پر پورا اترنے کے لیے ہر اقدام کرے گی۔

آرمی چیف نے ملک کے لیے قربانیاں دینے والے شہداء کو زبردست خراجِ تحسین پیش کرتے ہوئے کہا کہ پاکستانی عوام کی سیکیورٹی، تحفظ اور فلاح ہماری ذمے داری ہے۔

انہوں نےکہا کہ عید پر کشمیر میں جدوجہد کرنے والے بہادر کشمیریوں کو نہیں بھولنا چاہیئے، وقت آگیا ہے کہ کشمیر میں انسانی المیے کو اب ختم کیا جائے۔

آرمی چیف نے یہ بھی کہا کہ مسئلہ کشمیر کو کشمیریوں کی مرضی اور اقوامِ متحدہ کی قراردادوں کے مطابق حل کیا جائے۔