ماہی گیروں کی 1200 لانچ واپس بُلا لیں، فشرمین کوآپریٹنگ ہاؤسنگ سوسائٹی

سمندری طوفان کے ممکنہ خدشے کے پیشِ نظر کراچی کے ماہی گیروں کی 12 سو لانچوں کو واپس بلا لیا گیا۔ 

اس حوالے سے فشرمین کوآپریٹنگ ہاؤسنگ سوسائٹی کے سیکیورٹی انچارج ناصر بنیری نے بتایا کہ ماہی گیر لانچِیں لے کر کراچی، ابراہیم حیدری، ٹھٹھہ یا گڈانی واپس آ چکے ہیں۔

ناصر بنیری نے کہا کہ مزید 1300 سے زائد چھوٹی بڑی لانچیں ماہی گیری کے لیے گہرے سمندر میں موجود ہیں.

طوفان تاؤتے کراچی سے کتنی دور؟

کراچی کے جنوب مشرقی بحیرہ عرب میں موجود ڈپریشن سمندری طوفان تاؤتے کی شکل اختیار کر گیا ہے۔

اُنہوں نے کہا کہ ایف سی ایس کا عملہ میری ٹائم سیکورٹی ایجنسی کی مدد سے ماہی گیروں سے رابطہ کر رہا ہے۔ 

ناصر بونیری نے یہ بھی کہا کہ مچھیروں سے ان کی لانچوں پر موجود سیٹلائٹ فونز پر رابطہ کیا جا رہا ہے۔

اُن کا مزید کہنا تھ کہ ماہی گیروں کو سمندری طوفان کے خطرے کے علاقے سے نکالا جا رہا ہے۔ 

دوسری جانب اسسٹنٹ ڈائریکٹر فشریز گوادر نے کہا کہ گوادر، پسنی اور اورماڑہ کے قریب سمندری صورتحال فی الحال معمول پر ہے جبکہ مکران کے ساحلی علاقوں میں ہوا رُک گئی حبس سے موسم گرم ہے۔

اسسٹنٹ ڈائریکٹر فشریز نے کہا کہ عید کے باعث ماہی گیروں نے شکار کے لیے سمندر کا رُخ نہیں کیا جبکہ کچھ کشتیوں کی گہرے سمندر میں موجودگی کی اطلاع ہے۔

طوفان تاؤتے: ماہی گیروں کو سمندر میں جانے سے روک دیا گیا

متوقع سمندری طوفان تاؤتے کے پیشِ نظر کراچی سمیت سندھ بھر اور بلوچستان کے ساحلی علاقوں میں ماہی گیروں کو شکار پر جانے سے روک دیا گیا ہے جبکہ گہرے سمندر میں پہلے سے موجود ماہی گیروں کو فوری واپسی بلانے کے لیے ان سے رابطہ کرنے کی کوشش کی جا رہی ہے۔

اُنہوں نے کہا کہ سمندر میں موجود ماہی گیروں سے رابطہ کیا جارہا ہے، ماہی گیروں کو 20 مئی تک سمندر میں نہ جانے کی ہدایت کی گئی ہے۔

اُن کا مزید کہنا تھا کہ ماہی گیروں کی کشتیاں جیٹی اور دیگر محفوظ مقامات پر منتقل کی جائیں گی، متوقع سمندری طوفان کے باعث صورتحال کی نگرانی کی جارہی ہے۔

سمندری صورتحال کے حوالے سے ڈی جی پی ڈی ایم اے سلمان شاہ نے کہا کہ سمندر میں ڈپریشن سائیکلون کی صورتحال اختیار کرچکا ہے۔

طوفان تاؤتے سے کہاں اور کب بارش ہو گی؟

کراچی کے قریب بحیرہ عرب میں سمندری طوفان تاؤتے کے بننے سے موسمی سسٹم کے باعث گرد آلود ہوائیں چلنے اور گرج چمک کے ساتھ بارشوں کا امکان ہے۔

کمانڈر (ر) سلمان شاہ نے کہا کہ آئندہ دو روز میں صورتحال مزید واضح ہوگی جبکہ پی ڈی ایم اے کراچی ، ٹھٹھہ اور بدین سمیت ساحلی علاقوں کی ضلعی انتظامیہ سے مکمل رابطے میں ہے۔

اُن کا مزید کہنا تھا کہ ماہی گیر گہرے سمندر میں جانے سے گریز کریں۔

واضح رہے کہ ماہی گیروں کو عمان یا بلوچستان کی سمندری حدود میں جانے کی ہدایت کی گئی ہے۔