فرمان الہی
نماز کے اوقات
لاہور(خصوصی نمائندہ)شہباز شریف کے سیاسی رہنماؤں کو ٹیلیفون، PDMکا اجلاس بلانے پر تبادلہ خیال کیا گیا،انہوں نے فضل الرحمان ،بلاول ،سراج الحق، ساجد میرودیگر کو عید پر مبارکباد دی،آصف زرداری کی صحت کیلئے نیک تمناؤں کا اظہار کیا،مسلم لیگ (ن) کے صدر و قائد حزب اختلاف محمد شہباز شریف نے قومی سیاسی رہنماؤں کو ٹیلی فون کر کے عیدالفطر کی مبارکباد دی ،مولانا فضل الرحمان سے ہونے والے رابطے میں دونوں رہنماؤں نے ایک دوسرے اور اہل خانہ کیلئے نیک تمنائوں کا اظہار کیا، عیدالفطر کے بعد پی ڈی ایم اجلاس بلانے اور فلسطین پر اسرائیلی وحشیانہ حملوں پر بھی تبادلہ خیال کیا گیا،شہباز شریف نے پیپلز پارٹی کے چیئرمین بلاول بھٹو سے بھی ٹیلیفونک رابطہ کر کے انہیں عید الفطر کی مبارکباد دی ، انہوں نے سابق صدر آصف زرداری اور دیگر اہل خانہ کیلئے عید پر مبارک کا پیغام دیا ،آصف زرداری کی صحت کیلئے نیک تمناؤں کا اظہار کیا ،انہوں نے امیر جماعت اسلامی سینیٹر سراج الحق، لیاقت بلوچ، جمعیت اہلحدیث کے سربراہ علامہ ساجد میر، شاہ اویس نورانی، ایم کیو ایم کے رہنماؤں ڈاکٹر خالد مقبول صدیقی ،فیصل سبزواری ،اسفند یار ولی، ایمل ولی خان، غلام احمد بلور، آفتاب احمد خان شیرپا ،اختر مینگل، محمود خان اچکزئی اور ڈاکٹر عبدالمالک بلوچ سے بھی رابطہ کر کے عید الفطر کی مبارکباد دی ، رہنماؤں نے ایک دوسرے کیلئے نیک خواہشات اورخیر سگالی کے جذبات کا اظہار کیا،اس موقع پر ملک کی مجموعی سیاسی صورتحال بارے بھی تبادلہ خیال کیا گیا، علاوہ ازیں شہباز شریف نے جاتی امراء میں اپنے والدین، بھائی اور بھابھی کی قبروں پر بھی حاضری دی ، مرحومین کے ایصال ثواب کیلئے فاتحہ خوانی کی، شہباز شریف نے رکن قومی اسمبلی قیصر شیخ کے گھر جا کر ان کے بیٹے عرفان قیصر کے انتقال پر اظہار تعزیت اور فاتحہ خوانی کی ۔
