پشاور: 3 کورونا مریض انتقال کرگئے، 422 زیر علاج

خیبر ٹیچنگ اسپتال پشاور میں کورونا سے متاثرہ 3 مریض انتقال کرگئے جبکہ پشاور کے تینوں اسپتالوں میں کورونا کے مجموعی طور پر 422 مریض زیرعلاج ہیں۔

اسپتال حکام کے مطابق حیات آباد میڈیکل کمپلیکس میں 133 کورونا مریض زیر علاج ہیں۔

اسپتال میں کورونا مریضوں کے لیے 204 بیڈز مختص ہیں، جبکہ ایچ ایم سی میں کورونا مریضوں کے لئے مختص 71 بیڈز خالی ہیں۔

معیشت سے متعلق حکومتی اعداد و شمار قابل یقین نہیں، محمد زبیر

نواز شریف اور مریم نواز کے ترجمان اور سابق گورنر سندھ محمد زبیر نے کہا ہے کہ ملکی معیشت سے متعلق حکومتی اعداد وشمار قابل یقین نہیں ہیں۔

کورونا کیسز بڑھنے پر کراچی میں سخت لاک ڈاؤن متوقع

کراچی میں کورونا وائرس کیسزبڑھنے پر سخت لاک ڈاؤن لگائے جانے کے امکانات بڑھ گئے ہیں۔

حکام کے مطابق 23 کورونا مریض وینٹی لیٹرز پر ہیں، اسپتال میں 38 وینٹی لیٹرز کورونا کے مریضوں کے لیے مختص ہیں۔

لیڈی ریڈنگ اسپتال میں 211 کورونا مریض زیر علاج ہیں کورونا سے متاثرہ مریضوں کے لیے 517 بیڈز مختص ہیں۔

حکام کے مطابق کورونا مریضوں کے لئے مختص 306 بیڈز خالی ہیں 30 وینٹی لیٹرز کورونا کے مریضوں کے لیے مختص ہیں، 21 کورونا مریض وینٹی لیٹرز پر ہیں۔

اسپتال حکام کے مطابق خیبر ٹیچنگ اسپتال میں کورونا کے 78 مریض زیر علاج ہیں اسپتال میں کورونا کے مریضوں کے لیے 106 بیڈز مختص کیے گئے ہیں۔

اسپتال میں کورونا مریضوں کے لیے 25 وینٹی لیٹرز مختص ہیں جن پر 20 مریض زیر علاج ہیں۔