• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی، اسلام آباد کے مختلف علاقوں میں  ڈاکے، چوریاں، تین گاڑیاں، 14 موٹرسائیکل بھی غائب

میرا شہر
اسلام آباد
22 مئی ، 2021
اسلام آباد (خصوصی نامہ نگار)راولپنڈی اسلام آباد کے مختلف علاقوں میں ڈکیتی ،نقب زنی ،سر قہ با الجبر ،چوری اور خیانت مجرمانہ کی وارداتوں میں لاکھوں روپے کی نقدی ،زیورات اور دیگر قیمتی سامان کے علا وہ تین گاڑیاں ،ایک رکشہ اور14موٹرسائیکل اڑا لیے گئے ،پولیس نے چیک ڈس آنر کامقدمہ درج کر کے ملزم کو گرفتار کر لیا۔ راولپنڈی تھانہ صادق آباد کے علاقے سے سلیم ،کینٹ کے علاقے سے معاذ،نصیر آباد کے علاقے سے فاروق ،عبدالروف، آراے بازار کے علاقے سے یاسر،محمدعلی ،ائیرپورٹ کے علاقے سے محسن،روات کے علاقے سے نصیرکے موٹرسائیکل ،تھانہ نیوٹاون کے علاقے میں تیمور کا کیری ڈبہ ،تھانہ کینٹ کے علاقے سے فضل الرحمن کی مہران کا رچور لے اڑے ۔تھانہ کینٹ کے علاقے میں نصرالدین کے بیٹے سے ،ائیرپورٹ کے علاقے میں عامر ندیم سے موٹرسائیکل چھین لیاگیا۔تھانہ گنج منڈی کے علاقے میں نامعلوم چوروں نے عابدہ کے گھر کے تالے توڑ کر چھ لاکھ نقدی اور چھ تولہ زیورات چوری کرلئے ۔تھانہ وارث خان کے علاقے میں والد کے جنازے میں شریک سجاد کا موبائل نکال لیاگیا۔نیوٹاون کے علاقے میں ہانیہ اورعثمان کے گھر سے موبائل ونقدی چوری کرلئے گئے ۔تھانہ کینٹ کے علاقے میں طارق کے میڈیکل سٹور پر گھسنے والے تین ڈاکوئوں تین لاکھ روپے چھین لئے ۔ریس کورس کے علاقے میں فیصل کے گھر سے نقدی اور سامان چوری کرلیاگیا،سول لائن کے علاقے میں دو مسلح ڈاکوئوں نے عمرفاروق کی بیکری میں داخل ہوکر ایک لاکھ روپے چھین لیے ۔تھانہ صدربیرونی کے علاقے میں امتیاز کے میڈیکل سٹور میں داخل ہونے والے دو مسلح ڈاکوئوں نے نقدی اور موبائل چھین لئے ۔روات کے علاقے میں عمران کے گھر سے ساڑھے آٹھ تولہ زیوراور تین لاکھ روپے کی نقدی چوری کرلی گئی ، اسلام آباد کےتھانہ ترنول کے علاقے میں اسامہ سے ستر ہزارروپے ، تھانہ نون کے علاقے میں بابر سے موٹرسائیکل وموبائل، شاہ زیب سے موٹرسائیکل وموبائل ،کراچی کمپنی کے علاقے میں سبطین سے موبائل چھین لئے گئے تھانہ کراچی کے علاقے میں ہی سجاد کی کار، ترنول کے علاقے میں رقم خان کا رکشہ ، کورال کے علاقے میں احسن ،رمنا کے علاقے سے جمال ناصر کے موٹرسائیکل چوری ہوگئے۔ تھانہ شہزاد ٹاون کے علاقے میں بلا ل کی میزائل موٹر، تھانہ سبزی منڈی کے علاقے سے فرقان کا ٹرانسفارمر چوری ہوگیا، رمناکے علاقے میں علی حسن کی گاڑی کا شیشہ توڑ پرس چوری کرلیاگیا۔مارگلہ کے علاقے میں سحر مرزا کی گاڑی کے شیشے توڑ کر لیپ ٹاپ اور موبائل چوری کرلیاگیا۔ تھانہ گولڑہ کے علاقے میں محمود کے گھر سے دو لاکھ 82ہزارروپے چوری کرلئے گئے۔کراچی کمپنی پولیس نے خادم حسین کی رپورٹپر اشرف کے خلاف 3 لاکھ روپے چیک ڈس آنر کا مقدمہ درج کر کے اسے گرفتار کر لیا ۔
تازہ ترین