فرمان الہی
نماز کے اوقات
کراچی( اسٹاف رپورٹر) عالمی ہاکی فیڈریشن کے صدارتی انتخاب میں بھارتی ہاکی فیڈریشن کے صدر ڈاکٹر نریندر بٹرا ایک بار پھر دوسری مدت کے لئے صدر منتخب ہوگئے، ان کی نئی صدارتی مدت 2024تک رہے گی، عالمی ہاکی فیدریشن کے47ویں سالانہ کانگریس اجلاس میں ان کا آن لائن ووٹنگ سے انتخاب کیا گیا۔ یہ ایف آئی ایچ کا پہلا ورچوئل اجلاس اور الیکشن تھا،پاکستان کی نمائندگی پاکستان ہاکی فیڈریشن کے صدر بریگیڈئیر( ر) خالد سجاد کھوکھر اور سکریٹری جنرل آصف باجوہ نے کی،بھارت کے بٹرا نے63جبکہ ان کے حریف بیلجیئم ہاکی فیڈریشن کے صدرمارک کاڈرون نے61ووٹ حاصل کئے،ڈاکٹر بٹرا کے دوبارہ انتخابات کے علاوہ ، ڈانا آندرڈا بیریوس اور ہیزل کینیڈی خواتین کی نشست پر ایگزیکٹو بورڈ کے لئے دوبارہ منتخب ہوئیں۔
