• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

باہمی مشاورت سے پنجاب اسمبلی کی رکنیت کا حلف اٹھانے کا فیصلہ کیا ہے: چوہدری نثار

تازہ ترین
قومی خبریں
23 مئی ، 2021


سابق وزیر داخلہ چوہدری نثار نے کہا ہے کہ اُنہوں نے باہمی مشاورت سے پنجاب اسمبلی کی رکنیت کا حلف اٹھانے کا فیصلہ کیا ہے۔

چوہدری نثار نے اپنے ایک بیان میں کہا کہ کل پیر 24 مئی کو پنجاب اسمبلی کی رکنیت کا حلف اٹھاؤں گا، حلف اٹھانے سے میرے موقف یا سوچ میں کوئی تبدیلی نہیں آئے گی۔

اُنہوں نے کہا کہ اسمبلی سے تنخواہ، ٹی اے، ڈی اے سمیت کوئی مراعات نہیں لوں گا جبکہ حلف اٹھانے کا مقصد حلقے میں سیاسی حالات اور محرکات کنٹرول کرنا ہے۔

چودھری نثار کا رکن پنجاب اسمبلی کی حیثیت سے حلف اٹھانے کا فیصلہ

چودھری نثار دو ہزار اٹھارہ میں پی پی دس راولپنڈی سے ایم پی اے منتخب ہوئے تھے۔

سابق وزیر داخلہ نے یہ بھی کہا کہ الیکشن کا بائیکاٹ اور میدان کھلا چھوڑنا اس سے بھی بڑی سیاسی غلطی ہوگی۔

چوہدری نثار نے مزید کہا کہ کورونا وبا اور عوام کو بڑے اجتماع کے حوالے سے اس وبا سے بچانے کی ضرورت بھی فیصلے پر اثر انداز ہوئی۔

تازہ ترین