بلال قریشی اور عروسہ کے ہاں بیٹے کی پیدائش

پاکستان شوبز انڈسٹری کی معروف جوڑی بلال قریشی اور عروسہ کے ہاں دوسرے بیٹے کی پیدائش ہوئی ہے۔

بلال قریشی نے کچھ دیر پہلے ہی اپنے آفیشل انسٹاگرام اکاؤنٹ پر اپنی تصویر شیئر کی ہے جس میں اُنہوں نے اپنے نومولد بیٹے کو گود میں اُٹھایا ہوا ہے۔

تصویر میں دیکھا جاسکتا ہے کہ بلال قریشی اپنے دوسرے بیٹے کی پیدائش پر بہت خوش ہیں۔

اداکار نے تصویر کے کیپشن میں بتایا کہ ’اُن کے ہاں دوسرے بیٹے کی پیدائش ہوئی ہے جس کا نام اُنہوں نے رومان رکھا ہے۔‘

خوشی کے اس موقع پر بلال قریشی نے اللّہ تعالیٰ کا شکریہ ادا کرتے ہوئے قرآن پاک کی آیت لکھی کہ ’اور تُم اپنے پروردگار کی کون کون سی نعمتوں جُھٹلاؤ گے۔‘

یاسرہ رضوی کے ہاں بیٹے کی پیدائش

معروف اداکارہ و شاعرہ یاسرہ رضوی کے ہاں بیٹے کی پیدائش ہوئی ہے۔

بلال قریشی کے بیٹے کی پیدائش پر مداحوں اور شوبز ستاروں کی جانب سے مبارکباد دینے کا سلسلہ شروع ہوگیا ہے۔

واضح رہے کہ بلال قریشی نے سال 2015 میں اداکارہ عروسہ سے شادی کی تھی اور اس جوڑی کے بڑے بیٹے کا نام ’محمد سوہان‘ ہے۔