کے۔الیکٹرک کیلئے بجلی کی قیمتوں میں ردوبدل کا فیصلہ، نیپرا

نیشنل الیکٹرک پاور ریگولیٹری اتھارٹی (نیپرا) نے کے۔الیکٹرک کے لئے بجلی کی قیمتوں میں ردوبدل کا فیصلہ کرتے ہوئے 7 ماہ کے لئے ماہانہ فیول چارجز ایڈجسٹمنٹ کا نوٹیفکیشن جاری کردیا ہے۔

 نیپرا کے مطابق 4 ماہ کے لئے ٹیرف میں اضافہ جبکہ 3 ماہ کے لئے ٹیرف میں کمی کی گئی ہے۔

جون 2020 کے فیول چارجز ایڈجسٹمنٹ کی مد میں 75 پیسے فی یونٹ کمی کی گئی، جولائی 2020 کے فیول چارجز ایڈجسٹمنٹ کی مد میں 73 پیسے فی یونٹ اضافہ کیا گیا۔

کراچی میں بجلی کے صارفین 8 ارب 39 کروڑ کا اضافی بوجھ ڈھونے کےلیے تیار ہوجائیں

کے الیکٹرک نے جنوری، فروری اور مارچ کی فیول پرائس ایڈجسٹمنٹ کے تحت فی یونٹ بجلی مہنگی کرنے کی درخواستیں نیپرا کے پاس جمع کروا دیں۔

اعلامیے کے مطابق اگست 2020 کے فیول چارجز ایڈجسٹمنٹ کی مد میں 31 پیسے فی یونٹ جبکہ ستمبر 2020 کے فیول چارجز ایڈجسٹمنٹ کی مد میں 71 پیسے فی یونٹ اضافہ کیا گیا۔

 نیپرا کا کہنا ہے کہ اکتوبر 2020 کے فیول چارجز ایڈجسٹمنٹ کی مد میں 3 پیسے فی یونٹ جبکہ نومبر 2020 کے فیول چارجز ایڈجسٹمنٹ کی مد میں 1 روپے 10 پیسے فی یونٹ کمی کی گئی۔

دسمبر 2020 کے فیول چارجز ایڈجسٹمنٹ کی مد میں 50 پیسے فی یونٹ اضافہ کیا گیا۔

اعلامیے کے مطابق جون، جولائی، اگست اور اکتوبر 2020 کے فیول چارجز ایڈجسٹمنٹ کا اطلاق جون 2021 کے مہینےکے بل میں ہوگا، ستمبر، نومبر اور دسمبر 2020 کے فیول چارجز ایڈجسٹمنٹ کا اطلاق جولائی 2021 کے مہینے کے بل میں ہوگا۔