فرمان الہی
نماز کے اوقات
اسلام آباد (خصوصی نامہ نگار، ایجنسیاں) وزیر داخلہ شیخ رشید نے کہا ہے کہ سابق وزیر اعظم نواز شریف گولی دے گئے جس پر وزیر اعظم کو بھی دکھ ہے ، عمران خان کیخلاف کوئی اپوزیشن نہیں دیکھ رہا، نکھٹو،تھکی ہوئی اور بے کار قسم کی اپوزیشن ہے۔
وزیر اعظم مقدر کا سکندر ہے،اپوزیشن جماعتوں کے درمیان جوتیوں میں دال بٹ رہی ہے، ʼ15 روز کی مدت گزر گئی، ای سی ایل سے متعلق شہباز شریف کی کوئی درخواست نہیں ملی، جہانگیر ترین کے پورے ووٹ بجٹ کی منظوری میں عمران خان کو پڑیں گے،عمران خان کی حکومت میں مزدوروں کی تنخواہوں اور پنشن میں اضافہ ہوگا۔
اسلام آباد کے جی نائن مرکز میں ویکسینیشن سینٹر کے افتتاح کے موقع پر میڈیا سے گفتگو کرتےہوئے وزیر داخلہ نے کہا کہ خطے کے دیگر ممالک کے نسبت پاکستان میں ویکسینیشن کی صورتحال بہتر ہے اور لوگوں میں اب اس کا رجحان پیدا ہورہا ہے۔
پہلے لوگ ویکسینیشن کیخلاف تھے اور اس کیخلاف پروپیگنڈا ہورہا تھا تاہم اب دنیا ویکسینیشن کی جانب جارہی ہے اور یہ کم سے کم مدت میں مکمل کی جائے گی۔
شیخ رشید نے کہا کہ میں نیشنل کمانڈ اینڈ آپریشن سینٹر (این سی او سی) کے جنرل حماد، وفاقی وزیر اسد عمر اور خاص کر وزیراعظم عمران خان کو کریڈٹ دوں گا کہ اس قسم کی معیشت میں بھی ویکسینیشن کرائی جارہی ہے۔
وفاقی وزیر نے کہا کہ بھارت میں بالخصوص اتر پردیش، مہاراشٹر، سی پی کی صورتحال دیکھیں وہاں بورڈ لگے ہوئے ہیں کہ 7 روز تک ویکسینیشن نہیں ہوسکتی لیکن پاکستان میں کہیں نو ویکسینیشن کا بورڈ نہیں لگا۔
