پہلی مرتبہ کراچی کو 2 سو میگاواٹ اضافی بجلی دی جارہی ہے، حماد اظہر

وفاقی وزیر توانائی حماد اظہر نے کہا ہے کہ بجلی کے معاملات پر ارکان اسمبلی سے گزشتہ ہفتے ملاقات ہوئی ہے۔

قومی اسمبلی اجلاس کے دوران خطاب میں حماد اظہر نے کہا کہ پہلی مرتبہ کراچی کو 2 سو میگاواٹ اضافی بجلی فراہم کی جارہی ہے۔

انہوں نے کہاکہ اس وقت کراچی کو 550 میگاواٹ بجلی فراہم کی جارہی ہے، اضافی بجلی کی فراہمی سے کراچی میں بجلی کی لوڈ شیڈنگ میں کمی آئی ہے۔

نور عالم خان نے حماد اظہر کو بے خبر وزیر کہہ دیا

تحریک انصاف کے رکن قومی اسمبلی نور عالم خان اپنی ہی حکومت پر برس پرے ۔

حماد اظہر ناقد ایم این اے نور عالم پر برہم ہوگئے

وفاقی وزیر توانائی حماد اظہر اپنی ہی جماعت کے رکن قومی اسمبلی کی تنقید پر برہم ہوگئے۔

وفاقی وزیر توانائی نے مزید کہاکہ بجلی کے معاملات پر ارکان اسمبلی سے گزشتہ ہفتے ملاقات ہوئی، کچھ علاقوں میں 80 فیصد تک بلوں میں ادائیگی نہیں کی جاتی۔

اُن کا کہنا تھاکہ بجلی چوری والے علاقوں میں بھی بجلی کی لوڈ شیڈنگ کی جارہی ہے، بجلی چوری والے علاقوں میں اے بی سی بچھانے کی تجویز زیر غور ہے۔