ملک میں کورونا ویکسین کی ایک کروڑ خوراک لگادی گئیں

پاکستان میں کورونا وائرس سے بچاؤ کے لیے ویکسین کی ایک کروڑ خوراک لگادی گئیں۔

ایک کروڑ ویکسی نیشن مکمل ہونے پر تقریب سے گفتگو کرتے ہوئے این سی او سی کے سربراہ اور وفاقی وزیر اسد عمر نے کہا کہ کورونا وباء کی تیسری لہر سے نمٹنے کے لیے جو اقدامات کیے اس کا مثبت نتیجہ آیا ہے مگر خطرہ ابھی ٹلا نہیں ہے۔

ملک میں کورونا ویکسی نیشن آج 1کروڑ سے تجاوز کر جائے گی، اسد عمر

وفاقی وزیر اسد عمر کا کہنا ہے کہ آج ملک میں کورونا ویکسی نیشن کی تعداد 1کروڑ سے تجاوز کر جائے گی۔

اسد عمر نے گفتگو میں کہا کہ روزانہ 3 لاکھ سے زائد ویکسین لگائی جارہی ہیں، کورونا کی تیسری لہر پرجو اقدامات کیے اس کا مثبت نتیجہ آیا ہے۔

انہوں نے کہاکہ دسمبر تک 7 کروڑ افراد کو ویکسین لگانے کا ہدف ہے، پاکستانی بڑھ چڑھ کر ویکسی نیشن مہم میں حصہ لیں۔