زارا نور عباس فردوس عاشق اعوان پر برس پڑیں

پاکستان شوبز انڈسٹری کی معروف اداکارہ زارا نور عباس نے وزیر اعلیٰ پنجاب کی معاون خصوصی فردوس عاشق اعوان کی پیپلز پارٹی کے رہنما قادر مندو خیل سے ہاتھا پائی پر شدید ردّعمل دیا ہے۔

سماجی رابطے کی ویب سائٹ ٹوئٹر پر جاری کیے گئے پیغام میں زارا نور عباس نے کہا کہ ’جیسے فردوس عاشق اعوان نے کیا ہے اگر ایسے کوئی مرد کسی ٹاک شو میں خاتون پر ہاتھ اُٹھاتا تو ہم اُس کے ساتھ کیا کرتے؟‘

زارا نور عباس نے کہا کہ ’افسوس! یہاں مظلوم عورت نہیں بلکہ مرد ہے، اسی لیے سب خاموش بیٹھے ہیں۔‘

اداکارہ نے شدید غصے کا اظہار کرتے ہوئے کہا کہ ’برائے مہربانی! بدسلوکی کرنے والوں کو نہ سراہائیں پھر چاہے وہ مرد ہو یا عورت۔‘

حمیمہ ملک کی فردوس عاشق اعوان کو شاباشی

پاکستان سمیت سرحد کے اُس پار یعنی بھارت میں بھی اپنی اداکاری کے جوہر دِکھانے والی خوبرو اداکارہ حمیمہ ملک کی جانب سے نے سوشل میڈیا پر وائرل فردوس عاشق اعوان اور قادر مندوخیل کی تلخ کلامی اور ہاتھا پائی کی ویڈیو پر ردّعمل دیا گیا ہے۔

زارا نور عباس کے اس معنی خیز ٹوئٹ پر صارفین کی بڑی تعداد اُن سے اتفاق کرتی نظر آرہی ہے۔

واضح رہے کہ گزشتہ روز وزیر اعلیٰ پنجاب عثمان بزدار کی معاون خصوصی فردوس عاشق اعوان کی پیپلز پارٹی کے رہنما قادر مندو خیل سے ہاتھا پائی اور تلخ کلامی کی ویڈیو لیک ہوگئی تھی۔

عتیقہ اوڈھو کا فردوس عاشق کو ماسک پہننے کا مشورہ

پاکستان شوبز انڈسٹری کی سینئر اداکارہ عتیقہ اوڈھو نے وزیراعلیٰ پنجاب عثمان بزدار کی معاون خصوصی ڈاکٹر فردوس عاشق اعوان کو ماسک پہننے کا مشورہ دے دیا۔

فردوس عاشق اعوان کا اس ویڈیو پر ردعمل میں کہنا تھا کہ جو ویڈیو لیک کی گئی ہے وہ سلیکٹو ہے اسی لیے وہ چاہتی ہیں کہ مکمل ویڈیو لیک ہو۔