نیب سکھر نے فرخ شاہ کی گرفتاری سے متعلق اعلامیہ جاری کردیا

نیب سکھر نے فرخ شاہ کی گرفتاری سے متعلق اعلامیہ جاری کردیا۔

اعلامیے کے مطابق فرخ شاہ کی گرفتاری کے احکامات چیئرمین نیب نے 21 اپریل کو جاری کیے تھے، ریفرنس میں نامزد فرخ شاہ عبوری ضمانت پر تھے۔

خورشید شاہ کے بیٹے فرخ شاہ کو نیب دفتر منتقل کردیا گیا

سپریم کورٹ نے حکم دیا تھا کہ فرخ شاہ 3 روز میں احتساب عدالت سکھر میں گرفتاری دیں۔

نیب اعلامیہ کے مطابق  فرخ شاہ کے اکاؤنٹس سے کروڑوں روپے کی ٹرانزیکشن ہوئی ہے، فرخ شاہ کے نام پر کئی جائیدادیں بھی سامنے آئی ہیں۔

اعلامیہ کے مطابق خورشید شاہ پر دائر آمدن سے زائد اثاثہ جات ریفرنس میں فرخ شاہ مرکزی ملزم ہیں۔