• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں بیٹھ کر سندھ کو تقسیم کرنے کی بات شرمناک ہے، اویس قادر شاہ

تازہ ترین
قومی خبریں
13 جون ، 2021
کراچی میں بیٹھ کر سندھ کو تقسیم کرنے کی بات شرمناک ہے، اویس قادر شاہ

وزیر ٹرانسپورٹ سندھ اویس قادر شاہ نے کہا ہے کہ کراچی میں بیٹھ کر سندھ کو تقسیم کرنے کی بات شرمناک ہے۔

اویس قادر شاہ نے وفاقی وزیر اطلاعات فواد چوہدری کے بیان پر ردِ عمل دیتے ہوئے کہا کہ پی پی لیڈرشپ عوام کے لیے بہتر فیصلے کا مینڈیٹ رکھتی ہے۔

صوبائی وزیر کا کہنا تھا کہ اس وقت کس کو کہاں سے ڈکٹیشن مل رہی ہے سب جانتے ہیں۔

مراد علی شاہ قوم پرستی کی سیاست کر رہے ہیں: فواد چوہدری

وفاقی وزیرِ اطلاعات و نشریات فواد چوہدری نے وزیرِ اعلیٰ سندھ مراد علی شاہ پر قوم پرستی کی سیاست کا الزام لگاتے ہوئے کہا ہے کہ وزیرِ اعلیٰ سندھ بدقسمتی سے قوم پرستی کی سیاست کر رہے ہیں، لوگ مطالبہ کرتے ہیں کہ سندھ میں گورنر راج لگا دیں لیکن آئین میں اس کی گنجائش نہیں، آرٹیکل 140 اے کے نفاذ سے ہی سندھ کو اس کا حق مل سکتا ہے۔

انھوں نے یہ بھی کہا کہ سندھ کے عوام نے مینڈیٹ جمہوری لیڈرشپ کو دیا۔

ان کا یہ بھی کہنا تھا کہ کراچی میں بیٹھ کر سندھ کو تقسیم کرنے کی بات شرمناک ہے۔

تازہ ترین