زلفی نے کوک اسٹوڈیو کے نئے سیزن کا چارج سنبھال لیا

کوک اسٹوڈیو کے سیزن 14 کیلئے موسیقار زلفی پروڈیوسر بن گئے، گزشتہ سیزن روحیل حیات نے پروڈیوس کیا تھا۔

میشا شفیع کوک اسٹوڈیو میں واپسی کیلئے تیار

متنازع گلوکارہ میشا شفیع 4 سال بعد میوزک شو ’کوک اسٹوڈیو‘ کا حصہ بننے جا رہی ہیں۔

گزشتہ روز کوک اسٹوڈیو کے ٹوئٹر اکاؤنٹ سے زلفی کے کوک اسٹوڈیو کے پروڈیوس کرنے کے حوالے سے خبر سامنے آئی ہے۔

ٹوئٹر پر مختصر ٹوئٹ میں زلفی کو ٹیگ کرتے ہوئے لکھا گیا کہ ’شروع کریں؟‘

اس ٹوئٹ پر معروف موسیقار زلفی نے مسکراتے ہوئے ایموجی کے ساتھ جواب دیا۔

زلفی نے اپنے انسٹاگرام پر کوک اسٹوڈیو کی ایک تصویر شیئر کرتے ہوئے لکھا کہ یہاں سے سفر کا آغاز ہوگیا ہے، اس پوسٹ میں انہوں نے ہیش ٹیگ کوک اسٹوڈیو سیزن 14 کا استعمال بھی کیا۔

واضح رہے کہ روحیل حیات نے مارچ میں کوک اسٹوڈیو سے علیحدگی کا اعلان کیا تھا۔