• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان نے بجٹ میں 700 ارب کے ٹیکس لگائے: بلاول بھٹو زرداری

تازہ ترین
قومی خبریں
17 جون ، 2021


پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ عمران خان نے بجٹ میں 700 ارب روپے کے ٹیکس لگائے۔

جاری کیئے گئے ایک بیان میں پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ عمران خان نے کہا کہ عزیز ہم وطنو! ملک ترقی کر گیا ہے۔

بلاول بھٹو نے قومی اسمبلی میں ہنگامہ آرائی کو باعث شرمندگی قرار دیدیا

مائیکرو بلاگنگ ویب سائٹ ٹوئٹر پر اپنے بیان میں ان کا کہنا تھا کہ آج بجٹ سیشن کا تیسرا دن بھی ضائع کردیا گیا۔

انہوں نے کہا کہ کھانے پینے کی اشیاء پر 25 فیصد مہنگائی تبدیلی کا اصل چہرہ ہے، ملک میں ہر 3 میں سے 1 بچہ غذائی قلت کا شکار ہے۔

بلاول بھٹو زرداری کا کہنا ہے کہ عمران خان نے ڈیری مصنوعات پر 17 فیصد سیلز ٹیکس لگا دیا۔

ان کا کہنا ہے کہ آٹا، تیل اور بجلی کی قیمتوں میں اضافہ مہنگائی کا سونامی لائے گا۔

اسد قیصر کا بلاول بھٹو کو فون، بلاول نے ٹھوس شواہد کی بنیاد پر کارروائی کا مطالبہ

پاکستان پیپلز پارٹی کے چئیرمین بلاول بھٹو زرداری نے کہا ہے کہ تاریخ میں ایسا تشدد حکومتی بنچز سے نہیں ہوا، حکومتی رویہ قابل مذمت ہے۔

بلاول بھٹو زرداری نے مزید کہا کہ حکومت بجٹ کے حقائق چھپانے کے لیے اپوزیشن کی آواز دبا رہی ہے، عمران خان گالم گلوچ اور بدتمیزی کرا کر بچ نہیں پائیں گے۔

پاکستان پیپلز پارٹی (پی پی پی) کے چیئرمین کا یہ بھی کہنا ہے کہ ہم بجٹ کا کچہ چٹھہ عوام کے سامنے لاتے رہیں گے۔

تازہ ترین