بیلجیئم میں کورونا کی بھارتی قسم کا پھیلاؤ، پاکستان سمیت 26 ممالک ’پریشان کن‘ قرار

بیلجیئم نے ملک میں کورونا وائرس کی بھارتی قسم کے پھیلاؤ کو روکنے کے لیے برطانیہ اور پاکستان سمیت 26 ممالک کو ’بہت پریشان کن‘ ملکوں کی صف میں شامل کرلیا ہے۔

اس کا مطلب یہ ہے کہ ان ممالک کے شہریوں کے لیے سفری سہولیات کے وہ قوانین قابل عمل نہیں ہوں گے، جو یورپ اپنے شہریوں کو فراہم کرے گا اور انہیں پہلے ہی کی طرح سفر کے لیے پی سی آر ٹیسٹ کے علاوہ قرنطینہ کرنا پڑے گا۔

یاد رہے کہ بیلجیئم میں گذشتہ چند دنوں سے عالمی وباء کورونا وائرس کی بھارتی قسم کے مثبت کیسز کی شرح میں مسلسل اضافہ دیکھنے میں آرہا ہے اور یہ شرح 6 فیصد سے زائد تک جا پہنچی ہے۔

بیلجیئم میں اس وائرس کا ماخذ برطانیہ بتایا جاتا ہے، جہاں پڑوسی ہونے کے باعث ایک کثیر تعداد کا روزانہ آنا جانا رہتا ہے۔

افغانستان میں قیام امن کیلئے پاکستان کا تعاون کلیدی ہے، سربراہ یورپین خارجہ امور

ان خیالات کا اظہار انہوں نے اپنے سوشل میڈیا اکاؤنٹ ٹوئٹر کے ذریعے پاکستان اور یورپ کے درمیان گذشتہ روز ترکی میں ہونے والے مذاکرات اور پاکستانی وزیر خارجہ شاہ محمود قریشی سے ملاقات کے بعد کیا۔

جبکہ کچھ عرصہ قبل بھارت سے آنے والے طالبعلموں کے ایک گروپ میں بھی اس کی تشخیص کی گئی تھی۔

اس صورتحال کے پیشِ نظر بیلجیئم کے معروف وائرالوجسٹ اور اسائلم اور امیگریشن کے وزیر سامے مہدی نے تجویز پیش کی تھی کہ مذکورہ وائرس سے متاثرہ علاقوں سے آنے والے افراد پر پابندی عائد کی جائے۔

جس پر بیلجیئم کی حکومت نے وائرس کے حوالے سے 26 ’پریشان کن ممالک‘ کی نئی فہرست جاری کی ہے۔

ان ممالک میں بھارت سمیت برطانیہ، پاکستان، بنگلہ دیش، بوٹسوانا، جنوبی افریقہ، اردن، کانگو، قطر، نیپال، برازیل، بولیویا، پیراگوئے، جارجیا، یوراگوئے، چلی، ٹرینیڈاڈ اور ٹوباگو، کولمبیا، یوگنڈا، ارجنٹائن، زمبابوے، ایسواتینی، لیسوتھو، نمیبیا، موزمبیق، سرینام اور پیرو شامل ہیں۔

ان تمام ممالک کے شہریوں کو پہلے ہی کی طرح قرنطینہ سمیت سفر سے متعلق تمام پابندیوں کا سامنا رہے گا۔

اس حوالے سے بیلجیئم کے وزیر صحت فرانک واندن بروک نے کہا کہ وہ اس فیصلے سے بہت خوش نہیں ہیں لیکن ہمیں ان ممالک میں کرونا سے پیدا ہونے والی نئی صورتحال سے اپنے شہریوں کو محفوظ رکھنا ہے۔