نسلہ ٹاور سے متعلق سپریم کورٹ کا آرڈر میں نے نہیں پڑھا، سعید غنی

صوبائی وزیر تعلیم سندھ سعید غنی کا کہنا ہے کہ نسلہ ٹاور سے متعلق سپریم کورٹ کا آرڈر میں نے نہیں پڑھا۔

 جیو نیوز کے پروگرام ’نیا پاکستان‘ میں گفتگو کرتے ہوئے سعید غنی نے کہا کہ زمین کی غلط الاٹمنٹ کو غیرقانونی تعمیرات سے نہیں جوڑ سکتے۔

سعید غنی نے کہا کہ ہمیں دیکھنا چاہیے کہ متاثرین کا ازالہ کیسے کر سکتے ہیں۔

نسلہ ٹاور کے فیصلے کیخلاف نظرثانی کی درخواست کے لیے مشاورت کر رہے ہیں، بلڈر

بلڈر نسلہ ٹاور ابو بکر کا کہنا ہے کہ وکلا کی مشاورت کےبعد نظر ثانی کی درخواست دائر کریں گے۔

صوبائی وزیر نے کہا کہ جب تعمیرات شروع ہو رہی ہوتی ہیں تو روکنا آسان ہوتا ہے، لیکن بد قسمتی سے نہیں روکا گیا۔

سعید غنی نے کہا کہ کوئی بھی غیر قانونی تعمیرات پیپلز پارٹی کے دور میں نہیں ہوئیں، حکومت کے لیے آسان نہیں ہوتا کہ ہزاروں تعمیر شدہ گھروں کو گِرا دے۔

سندھ میں قائم غیر ضروری، غیر فعال سرکاری اسکول بند کردیں گے، سعید غنی

سعید غنی کا کہنا تھا کہ کورونا وبا کی وجہ سے سندھ میں تعلیم کو ناقابل تلافی نقصان پہنچا، سندھ میں 37 ہزار اساتذہ کی بھرتیاں کورونا کی وبا کی وجہ سے تاخیر کا شکار ہوئیں۔

انہوں نے کہا کہ غلطیاں ہوئی ہیں، کس سے ہوئی ہیں سب کو معلوم ہے۔

دوسری جانب نسلہ ٹاور کے بلڈر نے کہا کہ سپریم کورٹ کے فیصلے کیخلاف نظرثانی کی درخواست کے لیے وکلا سے مشاورت کر رہے ہیں۔

انھوں نے مزید کہا تھا کہ وکلا کی مشاورت کے بعد نظر ثانی کی درخواست دائر کریں گے۔