وزير اعظم نے مفتی عزیز کیس میں ذاتی دلچسپی لی، ڈی آئی جی انوسٹی گیشن

ڈی آئی جی لاہور پولیس شارق جمال نے کہا ہے کہ وزيراعظم عمران خان نے مفتی عزیز الرحمان کیس میں ذاتی دلچسپی لی ہے۔

لاہور میں پریس کانفرنس کرتے ہوئے ڈی آئی جی شارق جمال کا کہنا تھا کہ مفتی عزیز کیس میں ملزم کو عمر قید کی سزا بھی ہو سکتی ہے۔

طالبعلم سے زیادتی، مفتی عزیز بیٹے سمیت گرفتار

لاہور پولیس نے مدرسے میں طالبعلم سے زیادتی کرنے والے مفتی عزیز الرحمٰن کو میانوالی سے گرفتار کر لیا، پولیس کے مطابق مفتی عزیز الرحمٰن کے 1 بیٹے کو بھی گرفتار کیا گیا ہے۔

انہوں نے کہا کہ ضابطے کے مطابق اس کیس کا بھرپور چالان عدالت میں پیش کریں گے۔

ڈی آئی جی شارق جمال کا کہنا تھا کہ 295 بی کے بارے میں قانونی رائے لےکر اسے بھی کیس میں شامل کریں گے۔

انہوں نے کہا کہ وزیراعظم عمران خان اس کیس پر آئی جی پنجاب سے رابطے میں تھے۔

مفتی عزیز امتحانی پابندی ہٹانے کیلئے بلیک میل کر کے زیادتی کرتا رہا، مقدمہ درج

لاہور(نمائندہ جنگ) شمالی چھاؤنی کے علاقہ میں مدرسہ...

شارق جمال نے مزید کہا کہ اس کیس میں اگر مزید کوئی شخص زیادتی کا نشانہ بنا ہے تو وہ پولیس سے رابطہ کرے، ویڈیو کتنی پرانی ہے یہ ماہرین ہی بتا سکتے ہیں۔