• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فردوس اعوان کا پرویز الہٰی اور آصف زرداری کی ملاقات پر تبصرہ


وزیر اعلیٰ پنجاب سردار عثمان بزدار کی معاون خصوصی فردوس عاشق اعوان نے پرویز الہٰی اور آصف زرداری کی ملاقات پر تبصرہ کیا۔

فردوس عاشق اعوان نے کہا کہ پرویز الہٰی اور آصف زرداری کی ملاقات حکومت کے لیے خطرے کی گھنٹی نہیں ہے۔

انہوں نے کہا کہ مہمان نوازی اور میزبانی پنجاب کا کلچر ہے، آصف زرداری اور چوہدری برادران کے درمیان پرانے تعلقات ہیں۔

واضح رہے کہ تحریک انصاف حکومت کی اہم اتحادی جماعت ق لیگ کے سینئر رہنما اور اسپیکر پنجاب اسمبلی چوہدری پرویز الہٰی نے سابق صدر آصف علی زرداری سے ملاقات کی۔

ذرائع کے مطابق چوہدری پرویز الہٰی اور آصف علی زرداری کی ملاقات میں ملکی سیاسی صورتحال پر تبادلہ خیال کیا گیا۔

قومی خبریں سے مزید