آغا علی اور حنا نے انسٹاگرام سے سب کو اَن فالو کردیا

23 جون ، 2021

پاکستان شوبر انڈسٹری کی خوبصورت اور مشہور جوڑی اداکار آغا علی اور اداکارہ حنا الطاف نے انسٹاگرام سے اچانک سب کو اَن فالو کردیا۔

آغا علی اور حنا الطاف دونوں ہی سوشل میڈیا پر کافی متحرک نظر آتے ہیں اور اپنے مداحوں، دوستوں اور ساتھی اداکاروں سے سوشل میڈیا پر رابطے میں نظر آتے ہیں لیکن اب اچانک ان دونوں نے اپنے انسٹاگرام اکاؤنٹ سے سب کو اَن فالو کردیا ہے۔

اداکار آغا علی جن کے انسٹا گرام پر 1 ملین فالوورز ہیں اور وہ اکثر سوشل میڈیا کے ذریعے اپنے چاہنے والوں سے رابطےمیں رہتے تھے، اب انہوں نے سب کو اَن فالو کردیا ہے۔

دوسری جانب آغا علی کی اہلیہ اور اداکارہ حنا الطاف جن کے سوشل میڈیا پر 6 ملین فالوورز ہیں، انہوں نے بھی سب کو انسٹاگرام سے اَن فالو کردیا ہے جبکہ اس سے پہلے اداکارہ نے اپنے قریبی عزیز و اقارب، دوستوں اور کئی ساتھی اداکاروں کو فالو کیا ہوا تھا۔

تاہم دونوں ہی اداکاروں کی جانب سے ابھی تک ان کے اس اقدام کی کوئی وجہ نہیں بتائی گئی کہ ان دونوں نے اچانک انسٹاگرام پر سب کو اَن فالو کرنے کا فیصلہ کیوں کیا۔

تازہ ترین