قائد حزب اختلاف خورشید شاہ نے کہا ہے کہ وزیراعظم صاحب! آپ کے یاد کرنے کا شکریہ، نوازشریف جلسےمیں شرکت کی دعوت دیتےتوخوشی ہوتی۔
خورشید شاہ کا کہنا تھا کہ ہمیشہ مثبت اپوزیشن کی ہے،ہم نے نوازشریف سے استعفیٰ نہیں مانگا،کسی نے وزیر اعظم کو غلط گائیڈ کیا ہے، اپوزیشن نے جوٹی اوآردیئے ہیں اس میں استعفیٰ شامل نہیں۔
قائد حزب اختلاف کا کہنا تھا کہ نوازشریف سندھ گئے اورسکھرمیں منصوبے کا اعلان کیا، اس پرخوشی ہوئی۔
واضح رہے کہ وزیر اعظم نواز شریف نے سکھر میں سکھر۔ملتان موٹر وے کے افتتاح کے بعد عوامی اجتماع سے خطاب کے دوران خورشید شاہ سے شکوہ کرتے ہوئے کہا تھا کہ مجھے ان کی یاد آرہی ہے اگر وہ یہاں موجود ہوتے تو اچھا ہوتا، ہم یہاں خورشید شاہ کے علاقے میں پل بنارہے ہیں، اور وہ ہم سے استعفی کا مطالبہ کر رہے ہیں، میں تو آج بھی آپ کو اپنا دوست سمجھتا ہوں۔
فرمان الہی
نماز کے اوقات
