• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی این ایس سیف کا دورہ کویت، مشترکہ مشق میں شمولیت

پاک بحریہ کے جہاز پی این ایس سیف نےریجنل میری ٹائم سیکیورٹی پٹرولنگ کے دوران کویت کا دورہ کیا، دونوں ممالک کے بحری جہازوں نے مشترکہ مشق میں بھی حصہ لیا۔

کویت کی بندرگاہ مینا الشويخ‎ آمد پر میزبان بحریہ نے پاکستانی سفارتی حکام کے ہمراہ پاک بحریہ کے جہاز کا استقبال کیا۔

ترجمان پاک بحریہ کے مطابق جہاز کے کمانڈنگ آفیسر نے میزبان حکام سے اہم ملاقاتیں کیں۔

ملاقاتوں کے دوران باہمی دلچسپی کے امور اور 2 طرفہ بحری تعاون پر تبادلہ خیال کیا گیا۔

دورے کے آخر میں دونوں ممالک کے بحری جہازوں نے مشترکہ مشق میں بھی حصہ لیا۔

اس دورے سے دونوں ملکوں بالخصوص بحری افواج کے مابین تعلقات اور مشترکہ آپریشن کی صلاحیتوں کو مزید فروغ ملے گا۔

قومی خبریں سے مزید