نون لیگ نے آل پارٹیز کانفرنس کیلئے رابطہ کمیٹی بنا دی

 

مسلم لیگ نون نے آل پارٹیز کانفرنس کے لیے رابطہ کمیٹی بنا دی، سردار ایاز صادق کمیٹی کے سربراہ ہوں گے۔

ذرائع نون لیگ کا کہنا ہے کہ اے پی سی میں پیپلزپارٹی اور اے این پی کو بھی بلایا جائے گا، پیپلز پارٹی اور اے این پی نے اے پی سی میں شمولیت کیلئے آمادگی بھی ظاہر کر دی۔

ایاز صادق نے پیپلزپارٹی اور اے این پی کو اے پی سی میں شمولیت کیلئے قائل کیا، اے پی سی کی تاریخ طے کرنے کیلئے اپوزیشن جماعتوں سے مشاورت جاری ہے۔

پی ڈی ایم نے پیپلز پارٹی اور اے این پی کو شوکاز نوٹس جاری کردیے

اپوزیشن اتحاد (پی ڈی ایم) نے پیپلز پارٹی اور عوامی نیشنل پارٹی (اےاین پی) کو شوکاز نوٹس جاری کردئیے۔

ذرائع ن لیگ کے مطابق مسلم لیگ ن کی نائب صدر مریم نواز اے پی سی میں شرکت نہیں کریں گی، شہباز شریف اور مریم نواز پی ڈی ایم اجلاس میں اکھٹے شرکت کریں گے۔