• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ماہانہ اقتصادی آؤٹ لک رپورٹ جاری

تازہ ترین
تجارتی خبریں
29 جون ، 2021
ماہانہ اقتصادی آؤٹ لک رپورٹ جاری

وزارتِ خزانہ نے ماہانہ اقتصادی آؤٹ لک رپورٹ جاری کر دی جس میں کہا گیا ہے کہ رواں مالی سال کے 11 ماہ میں ترسیلاتِ زر، برآمدات اور محصولات میں اضافہ ہوا۔

وزارتِ خزانہ کی جاری کی گئی ماہانہ اقتصادی آؤٹ لک رپورٹ کے مطابق رواں مالی سال ترسیلاتِ زر 29 اعشاریہ 4 فیصد اضافے سے 26 ارب 70 کروڑ ڈالر رہیں۔

شوکت ترین نے فنانس ترمیمی بل پیش کر دیا، اپوزیشن کی مخالفت

قومی اسمبلی میں وفاقی بجٹ کی شق وار منظوری جاری ہے، کثرتِ رائے سے فنانس بل پیش کرنے کی تحریک منظور کر لی گئی جس کے بعد وفاقی وزیرِ خزانہ شوکت ترین نے قومی اسمبلی میں فنانس ترمیمی بل 2021 ء پیش کر دیا۔

برآمدات مجموعی طور پر 10 اعشاریہ 3 فیصد اضافے سے 23 ارب 10 کروڑ ڈالر رہیں۔

رواں مالی سال درآمدات جولائی تا مئی 17 اعشاریہ 9 فیصد اضافے سے 47 ارب 30 کروڑ ڈالر رہیں۔

اسٹیٹ بینک کے ذخائر 22 ارب 96 کروڑ ڈالر سے تجاوز کر گئے، ایف بی آر کی محصولات میں 17 اعشاریہ 5 فیصد کا اضافہ ہوا۔

وفاقی وزیرِ خزانہ شوکت ترین کی بجٹ تقریر کے اہم نکات

وفاقی وزیرِ خزانہ شوکت ترین قومی اسمبلی میں مالی سال 22-2021ء کا وفاقی بجٹ پیش کر رہے ہیں۔

نان ٹیکس آمدنی میں 6 اعشاریہ 5 فیصد کمی ہوئی، مہنگائی کی شرح ماہانہ بنیادوں پر 10 اعشاریہ 9 فیصد اور سالانہ بنیادوں پر 8 اعشاریہ 8 فیصد رہی۔

وزرات ِخزانہ کی ماہانہ آؤٹ لک رپورٹ میں یہ بھی کہا گیا ہے کہ بڑی صنعتوں کی پیداوار میں 12 اعشاریہ 8 فیصد کا اضافہ ہوا۔

تازہ ترین