• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حماد اظہر، مفتاح اسماعیل مباحثہ ٹاپ ٹرینڈ بن گیا

تازہ ترین
قومی خبریں
29 جون ، 2021


وفاقی وزیر توانائی حماد اظہر اور سابق وزیر خزانہ مفتاح اسماعیل کا مباحثہ ٹاپ ٹرینڈ بن گیا۔

جیونیوز کے پروگرام پر تبصروں کے لیے سوشل میڈیا محاذ جنگ کا منظر پیش کرنے لگا۔

وفاقی وزیر بحری امور علی زیدی نے کہا کہ مجرموں کے پاس کہنے کو کچھ نہ ہو تو چہرہ چھپاتے ہیں۔

ان کا قطری خط ٹھیک ہے اور ہمارا قطر سے معاہدہ کاغذ کا ٹکڑا ہے؟ حماد اظہر

حماد اظہر نے کہا کہ صرف ایک ایل این جی ٹرمینل کی مرمت ہو رہی ہے، سیاسی پوائنٹ اسکورنگ اپنی جگہ، یہ حقائق پر مبنی بات ہے۔

فواد چوہدری نے اس پر اظہار خیال کرتے ہوئے کہا کہ ن لیگ مباحثے میں ناکام ہوگئی۔

ن لیگی ترجمان مریم اورنگزیب نے کہا کہ مفتاح اسماعیل نےحکومتی جھوٹ بے نقاب کردیا، پی ٹی آئی مباحثے میں بھی ہار گئی۔

پی ٹی آئی والے پلانٹس کی 6 ماہ پہلے مرمت کرلیتے، بجلی و گیس کی لوڈشیڈنگ نہ ہوتی، مفتاح اسماعیل

رہنما مسلم لیگ ن نے کہا کہ انہوں نے لوکل انڈسٹریز کی گیس بند کردی ہے،آپ نے آخری وقت پر پوچھا، جس پر قطر نے منع کردیا، آپ آج گیارہ بارہ ڈالر کی گیس خرید رہے ہیں۔

انہوں نے مزید کہا کہ پی ٹی آئی نہ صرف توانائی سیکٹر کو چلانے میں ناکام رہی بلکہ اس مباحثے میں بھی ہار گئی۔

تازہ ترین