سی اے اے کی غیر ملکی پروازوں کی منسوخی کی تردید

سول ایوی ایشن اتھارٹی (سی اے اے) نے غیر ملکی ایئرلائنز کی پروازوں کی منسوخی کی تردید کردی۔

ترجمان سی اے اے نے اس حوالے سے کہا کہ ادارے نے کسی غیر ملکی پرواز کی اجازت منسوخ نہیں کی ہے۔

ترجمان کے مطابق یکم جولائی سے چند ملکوں سے براہ راست بین الاقوامی پروازوں کی اجازت دی گئی ہے۔

پٹرولیم مصنوعات کی قیمتوں میں اضافے کا نوٹیفکیشن جاری

حکومت پاکستان نے پٹرول کی فی لٹر قیمت میں 2 روپے کا اضافہ کردیا ہے ۔

مقبوضہ کشمیر میں ڈرون حملے، پاکستان نے بھارتی بیان مسترد کردیا

پاکستان نے مقبوضہ کشمیر میں ڈرون حملوں سے متعلق بھارتی بیان مسترد کردیا۔

سی اے اے ترجمان نے مزید کہا کہ بین الاقوامی پروازوں کو 40 فیصد مسافروں کے ساتھ پاکستان آنے کی اجازت دی گئی۔

ترجمان کے مطابق یکم جولائی سے صرف برطانیہ، کینیڈا، یورپ، ملائشیا اور چین سے مسافروں کو آنے کی اجازت دی گئی ہے۔

ترجمان سی اے اے نے یہ بھی کہا کہ ادارے نے پاکستان آنے والی پروازوں پر مسافروں کی زیادہ بکنگ کا نوٹس لیا ہے۔

ترجمان کے مطابق سول ایوی ایشن اتھارٹی کا پروازوں کی منسوخی اور اوور بکنگ سے کوئی تعلق نہیں ہے، پروازوں کی معطلی اور بکنگ کی ذمہ داری متعلقہ ائیرلائن پر عائد ہوتی ہے۔

ترجمان نے کہا کہ سی اے اے نے غیر ملکی ایئرلائنز کی کسی پرواز کی اجازت منسوخ نہیں کی جبکہ غیر ملکی ائیرلائنز کی جانب سے عوام میں بے یقینی پیدا کرنے کا نوٹس لیا ہے۔

ترجمان کے مطابق سی اے اے نے عوام، سفارت خانوں کو بھی اس عمل سے آگاہ کیا ہے، ادارہ ائیر لائنز کے خلاف کسی بھی قسم کی کارروائی کا حق رکھتا ہے۔