فرمان الہی
نماز کے اوقات
اداکارہ سونیا حسین اور فلم ساز شرمین عبید چنائے کی لفظی جنگ پر فیروز خان نے بھی ردعمل دے دیا۔
اداکار فیروز خان نے سونیا حسین کی حمایت کرتے ہوئے کہا کہ ایک مرتبہ میں نے ان خاتون سے متعلق ایک ویڈیو دیکھی تھی جہاں ایک عورت یہ شکایت کررہی تھی کہ شرمین عبید نے انہیں کام کا معاوضہ نہیں دیا۔
فیروز خان نے لکھا کہ اب یہ خاتون کسی کی پرورش پر سوال اٹھا رہی ہیں۔
انہوں نے سونیا حسین کو ٹیگ کرتے ہوئے لکھا کہ ’یہ لوگ آپ کی تقدیر کا فیصلہ کرنے والے کوئی نہیں ہوتے، آپ نے بس مضبوط رہنا ہے۔‘
واضح رہے کہ شرمین عبید اور سونیا حسین میں لفظی جنگ جاری ہے، شرمین عبید نے سونیا حسین کیلئے کہا تھا کہ وہ کبھی ماہرہ نہیں بن سکتی، فلم ساز نے اداکارہ کیلئے سخت الفاظ کا استعمال کیا تھا۔
شرمین عبید کے بیان پر ردعمل میں سونیا نے کہا کہ ’آپ کسی ایک اداکارہ کی حوصلہ افزائی کر کے اور دوسرے کو نیچا دکھا کر میری پرورش پر سوال کر رہی ہیں۔‘
واضح رہے کہ سونیا حسین نے 2018 میں ایک شو میں شرکت کی تھی جس میں ان سے پوچھا گیا تھا کہ اگر وہ ماہرہ ہوتی تو کس فلم میں کام نہ کرتیں ، جس پر ماہرہ کی تین فلموں ورنہ، رئیس، ہو من جہاں کا نام لیا گیا تھا۔
اداکارہ نے جواب میں کہا تھا کہ وہ ماہرہ ہوتیں تو کبھی بھی رئیس میں کام نہ کرتیں کیونکہ انہیں شاہ رخ خان کے ساتھ کام کرنے میں دلچسپی نہیں۔
