فرمان الہی
نماز کے اوقات
راولپنڈی(نمائندہ جنگ)وزیر داخلہ شیخ رشید نےگزشتہ روز آزاد کشمیر انتخابات میں حلقہ ایل اے 43ویلی(4) سے تحریک انصاف کے امیدوار جاوید بٹ کی انتخابی مہم کے حوالے سے لال حویلی کے باہر جلسہ سے خطاب کرتے ہوئے کہا ہے کہ پاکستان کسی صورت اپنے اڈے امریکہ کو نہیں دے گااور اس فیصلے پر پوری قوم وزیر اعظم عمران خان کیساتھ کھڑی ہے۔ پاکستان کی ترقی افغانستان سے وابستہ ہے ہم افغانستان میں امن چاہتے ہیں ۔ایران اور افغانستان کے ساتھ اسی سال سرحد مکمل طور پر بند کر دیں گے۔انہوں نے کہا کہ مجھے فخر ہے کہ وزیر اعظم عمران خان میری بات مانتا ہے اور میں عمران خان کیساتھ کشمیر جارہا ہوں۔ عمران خان نے مجھے اہم ترین وزارت دی ہے اورمیں بتا نہیں سکتا کہ کشمیریوں کیلئے میری کتنی قربانیاں ہیں۔ میں نے کبھی کشمیریوں سے ووٹ نہیں مانگالیکن آج ایک مزدور کیلئے ووٹ مانگا ہے۔
