فرمان الہی
نماز کے اوقات
کراچی (جنگ نیوز) انٹرنیشنل باکسنگ کا میلہ پشاور میں شروع ہوگیا ہے۔ اس ایونٹ میں پاکستان، افغانستان اور ایران کے 20 ٹاپ باکسرز شرکت کریں گے۔ ایونٹ کا حصہ بننے والے باکسرز پشاور پہنچ گئے ہیں۔ پاکستان کا پہلا نجی اسپورٹس چینل ”جیوسوپر“ اس ایونٹ کے تمام مقابلے براہ راست اپنے ناظرین کیلئے نشر کررہا ہے۔ باکسنگ مقابلوں میں حصہ لینے والے باکسرز نے بتایا کہ اگر اس طرح کے شاندار مقابلے پاکستان میں منعقد ہوئے تو پاکستانیوں کا ٹیلنٹ دُنیا کے سامنے آئے گا۔ ایونٹ میں افغانستان سے 4، خیبر پختونخوا سے 2 اور ملک کے دیگر حصوں سے 14 باکسرز شریک ہیں۔ اس ایونٹ کے دوران 20 فائٹرز میں مجموعی طور پر 10 مقابلے ہوں گے۔ ایونٹ میں پانچ کیٹگری کے باکسرز اپنی قسمت آزمائیں گے جس میں پی وی سی چیمپئن شپ کا ٹائٹل افغانستان اور پاکستان کے مابین کھیلا جائے گا۔
