فرمان الہی
نماز کے اوقات
برصغیر کے لیجنڈری اداکار دلیپ کمار آج اپنے مداحوں کو افسردہ چھوڑ گئے، پشاور میں دلیپ کمار کا ایک ایسا مداح بھی ہے جس نے کئی دہائیوں قبل اپنی دکان کا نام ہی دلیپ کمار کے نام پر رکھ دیا۔
دکاندار نے اداکار کے نام پر اپنی دکان کا نام رکھنے کی وجہ بتائی کہ ہم سب لوگ دلیپ کمار کو پسند کرتے ہیں جس کے باعث اپنی دکان کا نام دلیپ کمار رکھا ہے۔
انہوں نے کہا کہ ہمیں فخر ہے کہ لیجنڈری اداکار کا تعلق پشاور سے تھا، ہم سب لوگ ان کی دل سے عزت کرتے تھے اور اکثر پوری فیملی ان کی فلمیں ساتھ بیٹھ کر دیکھا کرتی تھی۔
خیال رہے کہ بالی ووڈ کے عظیم اداکار دلیپ کمار آج صبح 98 برس کی عمر میں انتقال کرگئے، اُنہیں ممبئی کے قبرستان میں سپرد خاک کیا گیا۔
لیجنڈری اداکار کو گزشتہ چند روز سے سانس لینے میں دشواری کا سامنا تھا اور اسی وجہ سے وہ دوسری مرتبہ ممبئی کے ہندوجا اسپتال میں داخل کروائے گئے تھے۔ جہاں وہ بدھ کے روز خالق حقیقی سے جا ملے۔
