فرمان الہی
نماز کے اوقات
مسلم لیگ نون کے صدر اور قومی اسمبلی میں قائدِ حزبِ اختلاف میاں محمد شہباز شریف کی عابد شیر علی کی بیٹیوں کو حوصلہ دیتے تصاویر سوشل میڈیا پر زیر گردش ہیں۔
یاد رہے کہ گزشتہ دنوں مسلم لیگ نون کے رہنما اور سابق وفاقی وزیر مملکت عابد شیر علی کی اہلیہ کا انتقال ہوگیا تھا۔
ٹوئٹر پر ثانیہ اشفاق نامی صارف نے شہباز شریف کی یہ تصویریں شیئر کیں جس پر ایک صارف نے سوال کیا کہ یہ بچے کون ہیں؟شہباز شریف کافی غمزدہ نظر آرہے ہیں۔
اس ٹوئٹ پر جواب دیتے ہوئے نواز شریف کی صاحبزادی مریم نواز نے جواب دیا کہ یہ عابد شیر علی کی بیٹیاں ہیں۔
اس سے قبل مریم نواز نے عابد شیر علی کی اہلیہ کے انتقال پر گہرے رنج کا اظہار کرتے ہوئے کہا کہ تھا کہ ’عابد شیر علی نے اپنی اہلیہ کو کھو دیا، ان کی اہلیہ کی اچانک موت نے ہمیں غم زدہ کر دیا ہے۔‘
انہوں نے مرحومہ کیلئے دعائے مغفرت کرتے ہوئے کہا کہ ہم اس دُکھ کی گھڑی میں عابد شیر علی کے ساتھ کھڑے ہیں۔
واضح رہے کہ عابد شیر علی کی اہلیہ فاطمہ دل کے عارضے میں مبتلا تھیں، دل کا دورہ پڑنے پر مرحومہ کو نجی اسپتال منتقل کیا گیا لیکن وہ جانبر نہ ہوسکیں اور 5 جولائی کو دارِ فانی سے کوچ کرگئیں۔
