فرمان الہی
نماز کے اوقات
شاردہ (نیوزایجنسیاں) مسلم لیگ (ن) کی نائب صدر مریم نواز نے کہا ہے کہ کشمیریوں کا لیڈر عمران جیسا بزدل انسان نہیں ہوسکتا ، ان کا انتخابی نشان کشمیر فروشی،چینی چوری اور مہنگا آٹا ہونا چاہیے،مسئلہ کشمیر نواز شریف کی قیادت میں حل ہوگا، غریبوں کی کمر بوجھ سے نہیں مہنگائی سے جھکی ہوئی ہے۔
سلیکٹرز کے ساتھ ملکر اقتدار میں آنے والے کو آزادی کا کیا علم ہو گا، سلیکٹڈ کی نہ گھر میں عزت ہے اور نہ ہی باہر،عمران نے کشمیر کو مودی کی جھولی میں ڈال کر 2 منٹ کی خاموشی اختیار کی جو ختم ہونے کانام نہیں لے رہی۔ ان خیالات کا اظہار انہوں نے شاردہ آزاد کشمیر میں انتخابی جلسے سے خطاب کرتے ہوئے کیا۔
مریم نواز نے کہا کہ نواز شریف اور مریم نواز خالص کشمیری ہیں ، یہاں ہر شخص میں مجھے نواز شریف نظر آرہا ہے ، نواز شریف ہر شخص کے دل میں بستے ہیں، کشمیریوں کا لیڈر عمران خان جیسا بزدل انسان نہیں ہوسکتا، کشمیریوں کا لیڈر اور سپہ سالار وہی ہوسکتا ہے جو وزیر اعظم ہوتا ہے بھارتی وزیر اعظم پاکستان کی دھرتی پر تشریف لاتے ہیں، مسئلہ کشمیر نواز شریف کی قیادت میں حل ہوگا۔
مریم نواز نے کہا کہ سلیکٹڈ کی نہ گھر میں عزت ہے اور نہ ہی باہر، وہ کشمیر کو مودی کی جھولی میں پھینک کر پاکستانیوں کو کہتا ہے کہ 2 منٹ کی خاموشی اختیار کرو۔ عوام کی خاموشی ختم ہوگئی عمران خان کی خاموشی ختم ہونے کانام نہیں لے رہی۔
نواز شریف نے کہا تھا عمران خان جیسی سوغات کو جہاں سے لائے ہو واپس لے جاؤ، آج وہی سوغات پاکستانیوں پر قہر بن کر ٹوٹی ہے۔
