کراچی(جنگ نیوز) جیونیوز کے پروگرام ”خبرناک“ میں اتوار کو مسلم لیگ (ن) کے رکن قومی اسمبلی حنیف عباسی مہمان ہوں گے جبکہ اِن کا خصوصی انٹرویو اِن ہی کے روایتی حریف شیخ رشید (ڈمی) لیں گے۔ پروگرام میں حنیف عباسی اور شیخ رشید (ڈمی) ایک ہی حسن کی یادیں لئے بیٹھے نظر آئیں گے۔ ایک موقع ایسا بھی آیا جب شیخ رشید (ڈمی) نے حنیف عباسی پر دس ہزار کی چوری کا الزام لگایا اور عباسی صاحب انکار نہ کر سکے۔گفتگو کے دوران عائشہ نے عباسی صاحب سے استفسارکیا کہ جب بھی کسی کا احتساب ہونے لگتا ہے تو وہ شور مچانا شروع کر دیتا ہے کہ اسے پھنسایا جا رہا ہے، اس کے علاوہ اُنہوں نے یہ بھی پوچھا کہ عمران خان آپ کے سیاسی دوستوں کو چوہا کہتے ہیں تو آپ کے دل پر کیا گزرتی ہے؟۔اِن باتوں کا عباسی صاحب نے کیا جواب دیا اس کا خلاصہ پروگرام دیکھ کر ہوگا تاہم پروگرام میں حنیف عباسی نے شیخ صاحب سے یہ وعدہ ضرور کرلیا کہ میں آپ کا مقبوضہ گھر خالی نہیں کراؤں گا۔ دلفریب نغمہ اور ساجد بھائی کا چیلنج بھی پروگرام کی رونق بڑھائے گا۔ طنز ومزاح سے بھر پور ”خبرناک“ علی میر کی میزبانی میں رات 11 بجکر5 منٹ پر دکھایا جائے گا۔
فرمان الہی
نماز کے اوقات
