فرمان الہی
نماز کے اوقات
کراچی (اسٹاف رپورٹر) قومی ہاکی ٹیم کے سابق ہیڈ کوچ اولمپئن رائٹ فل بیک نوید عالم منگل کی صبح انتقال کر گئے۔انہیں شیخو پورہ میں سپرد خاک کردیا گیا۔ ان کی عمر 47 سال تھی۔ چھ جولائی کو ان کوخون کے سرطان کی تشخیص ہوئی تھی،وہ شوکت خانم اسپتال میں داخل تھے، پیر کو پہلی کیمو تھراپی کے بعد ان کی طبعیت بگڑ گئی تھی ، انہیںمنگل کی صبح آئی سی یو منتقل کیا گیا تاہم وہ خالقِ حقیقی سے جاملے۔ نوید عالم 1994ورلڈ کپ کی فاتح پاکستان ٹیم کے رکن تھے، اسی ٹیم کے گول کیپر منصور احمد بھی کچھ سال قبل عارضہ قلب کی وجہ سے انتقال کر گئے تھے۔ نوید عالم نے1976کے اولمپکس، چیمپئنز ٹرافی اور ایشین گیمز سمیت بے شمار ایونٹس میں پاکستان کی نمائندگی کی ۔ انہوں نےچین ہاکی ٹیم اور بنگلا دیش ہاکی ٹیم کی کوچنگ بھی کی ۔ ان کے علاج پر اٹھنے والے اخراجات کیلئےبیٹی کی اپیل پرسندھ اور پنجاب کی حکومتوں نےاخراجات برداشت کرنے کا اعلان کیا تھا۔
