فرمان الہی
نماز کے اوقات
کراچی (ا سٹاف رپورٹر) پاکستان ہاکی فیڈریشن نے سابق ہاکی ہیڈ کوچ نوید عالم کے انتقال کے بعد فوری طور ہاکی پلیئرز فائونڈیشن بنانے کا فیصلہ کیا ہے، پی ایچ ایف کے سکریٹری آصف باجوہ کے مطابق فائونڈیشن کے تحت کھلاڑیوں کی فلاح و بہبود کے لئے کام کیا جائے گا، جس کے لئے مخیر حضرات کی مدد بھی حاصل کی جائے گی، انہوں نے سندھ، پنجاب اور وفاقی حکومتوں سے اپیل کی ہے کہ انہوں نے نوید عالم کے علاج کیلئے منظور کردہ رقوم ان کی فیملی کو دے دی جائے۔ ادھر سوشل میڈیا پر مرحوم نوید عالم کے مداحوں اور ساتھیوں نے انہیں زبردست خراج تحسین پیش کیا ہےکچھ نے لکھا کہ پی ایچ ایف کے خلاف مزاحمتی کردار ختم ہوگیا۔ پاکستان اولمپکس فورم نے اپنے واٹس اپ گروپ میں ان کے دل چسپ واقعات اور ان کے ساتھ گذرے ہوئے واقعات پوسٹ کئے ہیں، گروپ پر ان کی تصویر لگادی گئی ہے۔ دریں اثنا ان کی روح کے ایصال ثواب کے لئےپی ایچ ایف ہیڈ کواٹرز لاہور میں دعائیہ تقریب 16 جولائی کو ہوگی۔
