فرمان الہی
نماز کے اوقات
راولا کوٹ(جنگ نیوز) مسلم لیگ (ن) کی نائب صدر مریم نواز شریف نے کہا ہے کہ سب سے بڑا منی لانڈرر بنی گالہ میں چھپا ہے، کرپشن پکڑنی ہے تو وزیراعظم ہائو س پر چھاپہ مارو، عمران خان نے 22 سالہ جدوجہد کو کرسی کی خاطر تباہ و برباد کر دیا،خود مان لیا کہ وہ عوام کی نہیں سلیکٹر کی چوائس ہیں،مریم نواز شریف کا آزاد کشمیر کے علاقے راولا کوٹ میں انتخابی جلسے سے خطاب میں کہنا تھا کہ گزشتہ 7سالوں سے فارن فنڈنگ کیس التوا کا شکار ہے۔ عمران خان 16خفیہ بینک اکاؤنٹس کا حساب نہیں دے سکے۔لیگی رہنما نے کہا کہ عمران خان کی وجہ سے پاکستان گرے لسٹ سے نہیں نکل رہا۔ نیب اور ایف آئی اے نے کرپشن پکڑنی ہے تو وزیراعظم ہاؤس پر چھاپہ مارے۔ ہجیرہ میں انتخابی جلسے سے خطاب میں مریم نواز کا کہنا تھاکہ مریم نواز نے کہا کہ عمران خان کو کٹھ پتلی وزیراعظم کے طور پر یاد رکھا جائے گا، لیڈر کرسی پر بیٹھنے نہیں، عوام کے دلوں میں بسنے کیلئے ہوتے ہیں۔ان کا کہنا تھا کہ عمران خان اب چاہے الیکشن چوری کرو یا ڈبے اٹھا کر بھاگ جاؤ، چاہے الیکشن کمیشن کا عملہ چوری کرلو، کشمیر اپنا فیصلہ سنا چکا، عمران خان کشمیر آنے کی زحمت نہ کریں، عمران خان نے کہا میرے علاوہ کوئی چوائس نہیں، آپ عوام کی نہیں سلیکٹرز کی چوائس ہو۔مریم نواز کا کہنا تھا کہ عمران خان 22 سال جدوجہد کے بعد سر اٹھانے کے قابل نہیں، ان کو کٹھ پتلی وزیراعظم کے طور پر یاد رکھا جائے گا، عمران خان نے خود مان لیا کہ وہ عوام کی نہیں سلیکٹر کی چوائس ہیں۔
