• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مریم نواز کی دورانِ جلسہ والد سے ویڈیو کال کے چرچے

تازہ ترین
خاص رپورٹ
16 جولائی ، 2021
مریم نواز کی دورانِ جلسہ والد سے ویڈیو کال کے چرچے

پاکستان مسلم لیگ نون کی نائب صدر مریم نواز نے آزاد کشمیر الیکشن مہم کیلئے پلندری  میں جلسے کے دوران والد سے ویڈیو کال پر بات کی اور اسی ویڈیو کال کی ایک تصویر اپنی پروفائل پر بھی لگادی ہے۔

مریم نواز کو بھی کشمیر کی خوبصورتی نے اپنے سحر میں جکڑ لیا

مسلم لیگ نون کی نائب صدر اور سابق وزیراعظم میاں محمد نواز شریف کی صاحبزادی مریم نواز بھی آزاد جموں کشمیر کےحسین مناظر نے اپنے سحر میں جکڑ لیا ہے۔

والد سے ویڈیو کال اور پھر جلسے کے شرکاء کو میاں محمد نواز شریف کی ایک جھلک دکھائے جانے کے بعد عوام کے ردعمل کو بھی انہوں نے سراہا۔

انہوں نے ویڈیو کال کی ایک مختصر ویڈیو شیئر کرتے ہوئے لکھا کہ ’ویڈیو کال پر میاں محمد نواز شریف کی صرف ایک جھلک دیکھنے پر لوگوں کا ردعمل قابلِ دید تھا۔‘

اکبر علی نامی صارف نے مریم نواز کی تصویر پر کیپشن لکھا کہ ’یہ تصویر کیسی تصویر ہے، عکس ہاتھ میں ہے اسی کا، جسکی ہوبہو خود تصویر ہے۔‘مریم نواز کو یہ کیپشن خوب بھایا، کیپشن پر پسندیدگی کا اظہار انہوں نے اپنے ایک ٹوئٹ میں کیا۔

واضح رہے کہ مریم نواز آج کل آزاد کشمیر الیکشن 2021 کیلئے نون لیگ کی جانب سے انتخابی مہم میں مصروف ہیں۔

تازہ ترین