دنیا بھر میں کم ازکم 50 ہزار افراد کی مبینہ جاسوسی

اسرائیلی کمپنی کے جاسوسی سوفٹ ویئر سے دنیا بھرمیں کم ازکم 50 ہزار افراد کی مبینہ جاسوسی کی گئی۔

برطانوی میڈیا رپورٹس میں کہا جارہا ہے کہ جاسوسی کے شکار افراد میں فنانشل ٹائمز کی ایڈیٹر سمیت 180صحافی بھی شامل ہیں، فنانشل ٹائمز کی ایڈیٹر رولا خلف 2018 میں جاسوسی نیٹ ورک کا ہدف رہیں۔

ترجمان فنانشل ٹائمز کا کہنا ہے کہ صحافیوں کی کسی بھی طرح کی نگرانی، ان کے کام میں غیر قانونی مداخلت ناقابل قبول ہے۔

متعدد غیر ملکی میڈیا ویب سائٹ ڈاؤن

سی این این سمیت متعدد غیر ملکی میڈیا ویب سائٹ ڈاؤن...

مودی سرکار کے فیس بک سے عوام میں غلط اطلاعات پھیلانے کی نشاندہی کرنیوالے بھارتی صحافی کی بھی جاسوسی کی گئی۔

برطانوی میڈیا کے مطابق امریکی، برطانوی اور عرب میڈیاکے صحافیوں کی بھی جاسوسی سافٹ ویئر کے ذریعے جاسوسی کی گئی۔

پیگاسس سافٹ ویئر بنانے والی کمپنی نے کلائنٹس کی سرگرمیوں کےبارے میں دعوؤں کو مستردکردیا، پیگاسس سافٹ ویئر کےغلط استعمال کے تمام معتبر دعوؤں کی تحقیقات اور کارروائی کی جائےگی۔

ماضی میں بھی سافٹ ویئر کے غلط استعمال کےثبوت ملنے پر کلائنٹس کی رسائی روک دی گئی تھی۔