شیخوپورہ پولیس نےقصبہ کِرتو پنڈوری میں سرچ آپریشن کرتے ہوئے28مشتبہ افراد کو حراست میں لےلیا۔رحیم یارخان کے علاقے تھانہ ماچھکہ کی حدود میں پولیس نے بگابٹانی کوش گینگ کے خلاف آپریشن کا آغاز کردیا ۔
پولیس کے مطابق شیخوپورہ کےقصبہ کِرتو پنڈوری میں سرچ آپریشن کرتےہوئے مکینوں سےشناختی دستاویزات چیک کی گئیں،اس دوران 28مشتبہ افراد کو حراست میں لیاگیا۔
ملزموں سے2کلاشنکوفیں،5پستول،2بارہ بور بندوقیں ،ایک بندوق223بور اور250گولیاں برآمد ہوئی ہیں،ملزموں سےتفتیش کا عمل جاری ہے۔
رحیم یارخان کے آپریشن میں 300 پولیس اہلکار حصہ لےرہے ہیں ،ڈی پی او ذیشان اصغر کی سربراہی میں تھانہ ماچھکہ کے علاقے کچی یونس میں پولیس کی بھاری نفری داخل ہوچکی ہے ۔
پولیس کے مطابق کچی یونس میں بگابٹانی کوش کینگ نے اپنی پناہ گاہیں بنارکھی ہیں،کچھ سال قبل کچی یونس میں کوش کینگ نے انسپکٹر تبسم ورک کو شہید اور متعدد اہلکاروں کو فائرنگ کرکے زخمی کردیا تھا۔
پولیس کا کہنا ہے کہ کچی یونس میں انسپکٹر تبسم کے قاتلوں سمیت متعدد خطرناک اشتہاری مجرمان کی موجودگی کی مصدقہ اطلاعات ہیں۔
فرمان الہی
نماز کے اوقات
